ޗައިނާ އިން ގުރައިދޫ ކައުންސިލަށް ސޯލާ މަގުބައްތި ހަދިޔާކޮށްފި

މަރިޔަމް އަނާ

04 ޑިސެމްބަރ 2024 - 12:57

0 comments

ޗައިނާ ސަރުކާރުން ކ. ގުރައިދޫ ކައުންސިލަށް ސޯލާ މަގުބައްތި ހަދިޔާކޮށްފި އެވެ.

ރާއްޖޭގައި ހުންނަވާ ޗައިނާ ސަފީރު އިސްނަންގަވައިގެން ގުރައިދޫ ހަދިޔާ ކުރީ 100 ބައްތި އެވެ. ބައްތިތައް ހަވާލުކުރީ ސްޓެލްކޯގެ އޮޑިޓޯރިއަމް އިއްޔެ މިކަމަށްޓަކައި ބޭއްވި ހާއްސަ ރަސްމިއްޔާތެއްގައެވެ.

ޗައިނާ ސަރުކާރުގެ ފަރާތުން ޗައިނާ ސަފީރު ވަންގް ލީޒިން ހަދިޔާކުރި ބައްތިތަކާ ހަވާލުވެވަޑައިގަތީ ލޯކަލް ގަވަރުމަންޓް މިނިސްޓަރު އާދަމް ޝަރީފް އުމަރެވެ.

މި މަގު ބައްތިތަކަކީ، ޗައިނާ ސަފީރު .ގުރައިދު އަށް ކުރި ޒިޔާރަތެއްގެ ތެރެއިން ހަމަޖެހިގެން ދިޔަ މަގުބައްތިތަކެކެވެ. ބައްތިތައް ހަވާލުކުރުމަށް ބޭއްވި ރަސްމިއްޔާތުގައި ލިޒިން ވިދާޅުވީ، ޗައިނާ އާއި ރާއްޖެ ދެމެދު އޮތީ ޒަމާންވީ ގުޅުމެއް ކަމަށާއި އެ ގައުމުން އަބަދުވެސް މަސައްކަތް ކުރާނީ ދިވެހީންނަށް ބޭނުންވާ ލުއި ފަސޭހަ ގޮތްތައް ހޯދައިދިނުމަށް ކަމަށެވެ.