އެމްއެމްއޭގެ ބޯޑުން ދެ ބޭފުޅަކު ވަކިކޮށްފި

އަލީ ރާޒީ

07 ޑިސެމްބަރ 2024 - 22:50

0 comments

އެމްއެމްއޭގެ ބޯޑުގައި ޕްރައިވެޓް ސެކްޓަރުގެ ފަރާތުން ތިއްބަވާ ދެ ބޭފުޅުން އެ ބޯޑުން މިއަދު ވަކިކޮށްފި އެވެ.

އެމްއެމްއޭގެ ޑިރެކްޓަރުންގެ ބޯޑުގައި ޕްރައިވެޓް ސެކްޓަރ ތަމްސީލްކުރައްވަނީ އައްސަދު އަލީ އަދި މުހައްމަދު ޝަހުދީ އަންވަރެވެ.

ޝަހުދީ އަންވަރަކީ މަޝްހޫރު ލޯޔަރެކެވެ. އޭނާއަކީ މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރުގެ ޗެއާމަން އެވެ. ޓުއަރިޒަމް ސެކްޓަރުގެ ވަރަށް ގިނަ މަސައްކަތް ގާނޫނީ ދާއިރާއިން އޭނާ ކުރައްވަ އެވެ. އަދި ރާއްޖޭގައި އަމަލު ކުރާ ޓެކްސްއާ ގުޅޭ ގާނޫނުތައް ފަރުމާ ކުރުމުގައި އޭނާ ވަނީ މަސައްކަތް ކުރައްވައިފަ އެވެ.

އައްސަދަކީ މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީގެ ޑެޕިއުޓީ ސެކްރެޓަރީ ޖެނެރަލް އެވެ.

އެމްއެމްއޭގެ ބޯޑުގައި ތިއްބަވަނީ 6 މެންބަރުންނެވެ. އެއީ ޤަވަރުނަރާއި، ޑެޕިއުޓީ ގަވަރުނަރާއި، އެމްއެމްއޭ ތަމްސީލްކުރައްވާ ބޭފުޅަކާއި، ފިނޭންސް މިނިސްޓްރީގެ ބޭފުޅެއްގެ އިތުރުން ޕްރއިވެޓް ސެކްޓަރއިން ކަނޑައަޅާ 2 ބޭފުޅެކެވެ.