އާސަންދަ ހިދުމަތް ދުބާއީ އަދި ބޭންކޮކް ދެ ހޮސްޕިޓަލަކުން ދޭން ސޮއިކޮށްފި

ހަސަން ހަލީމް

10 ޑިސެމްބަރ 2024 - 15:51

0 comments

އާސަންދަ ހިދުމަތް ރާއްޖެއިން ބޭރުގެ އިތުރު ތިން ހޮސްޕިޓަލަކުން ދިނުމަށް އެއްބަސްވުމުގައި ސޮއިކުރުން

އާސަންދައިގެ ދަށުން ހިދުމަތް ދިނުމަށް ތައިލެންޑާއި ޔޫއޭއީގެ ތިން ހޮސްޕިޓަލަކާއެކު އެއްބަސްވުމެއްގައި މިއަދު ސޮއިކޮށްފި އެވެ. އެއީ ޑުބާއީގެ ބުރްޖީލް މެޑިކަލް ސިޓީ އާއި ބެންކޮކްގެ ވޯރލްޑް މެޑިކަލް ހޮސްޕިޓަލް އަދި ބެންކޮކްގެ ބެންކޮކް ހޮސްޕިޓަލެވެ.

މިކަމާ ގުޅިގެން މައުލޫމާތު ދެމުން އާސަންދައިން ބުނީ އަލަށް އާސަންދަ ޚިދުމަތް ދޭން ރާއްޖެއިން ބޭރުގެ ތިން ހޮސްޕިޓަލަކާއެކު މިއަދު ސޮއިކޮށްފައިވާ ކަމަށެވެ.

އެއީ ދުބާއީގެ ބުރްޖީލް މެޑިކަލް ސިޓީއާއި ބެންކޮކްގެ ވޯލްޑް މެޑިކަލް ހޮސްޕިޓަލްގެ އިތުރުން ބެންކޮކްގެ ބެންކޮކް ހޮސްޕިޓަލެވެ.

އާސަންދައިން ބުނީ މި ހޮސްޕިޓަލްތަކާއެކު ސޮއިކުރެވުނު އެއްބަސްވުމުގެ ދަށުން އަންނަ އަހަރުގެ ޖެނުއަރީ 15އިން ފެށިގެން ވަކި އޫސުލެއްގެ ދަށުން މި ހޮސްޕިޓަލްތަކަށް ފަރުވާއަށް ފޮނުވަން ފަށާނެ ކަމަށް ބުނެފައެވެ.

އާސަންދަ މިހާރު ލިބެނީ އިންޑިއާއާ ސްރީލަންކާއަށެވެ. އެ ހިދުމަތް ލަންކާ މަދު ހޮސްޕިޓަލަށް ލިބުނަސް އިންޑިއާގެ ވަރަށް ގިނަ ހޮސްޕިޓަލްތަކަށް ލިބެ އެވެ. މިހާރު ވެސް އެންމެ ބޮޑު ހޭދައެއް ކުރަނީ އިންޑިއާގެ ހޮސްޕިޓަލްތަކަށެވެ. އިންޑިއާގެ ވަރަށް ގިނަ ހޮސްޕިޓަލްތަކަށް އާސަންދައިގެ ހިދުމަތް ލިބެ އެވެ. އެއީ އެ ހޮސްޕިޓަލްތަކަށް އޮތް ވަރަށްބޮޑު ވިޔަފާރި އެކެވެ.