މީރާގެ ބޯޑަށް ދަހާ އައްޔަނުކުރަން އިއްތިފާގުން ފާސްކޮށްފި

އައިމިނަތު ޝިޔާޒާ

12 ޑިސެމްބަރ 2024 - 17:19

0 comments

މޯލްޑިވްސް އިންލަންޑް ރެވެނިއު އޮތޯރިޓީ (މީރާ)ގެ ޑިރެކްޓަރުންގެ ބޯޑުގެ މެންބަރެއްގެ ދައުރު ހަމަވެފައިވާތީ އެ މަގާމަށް އައްޔަންކުރަން ދަހާ ޝުއައިބަށް މަޖިލީހުން މިއަދު ރުހުންދީފި އެވެ.

މީރާގެ ޑިރެކްޓަރުންގެ ބޯޑަށް މެންބަރަކު އައްޔަނުކުރެއްވުމަށްޓަކައި ރައީސުލްޖުމްހޫރިއްޔާ ފަސް ނަމެއް ފޮނުއްވި އެވެ. އެއީ:

ދަހާ ޝުއައިބް، ހ. ކެރީބިއަން
އަހުމަދު ފާއިޒް މުހައްމަދު، އަސްރަފީހިޔާ، ލ. މާވަށް
އަބްދުﷲ އިމްރާން، މާލަމް، ރ. ހުޅުދުށްފާރު
މަހުޒޫމް ސަލީމް، ޝަބްނަމްގެ، ކ. ކާށިދޫ
އައިމިނަތު އާފިޔާ، ދަފްތަރު ނަންބަރު ރ.ސ. 13462

އެ މަގާމަށް ކުރިމަތިލީ ފަރާތްތަކުގެ ތެރެއިން ޝަރުތު ހަމަވާ ފަރާތްތައް ރައީސް އިސްކަން ދެއްވި ތަރުތީބުން މަޖިލީހަށް ފޮނުއްވި ނަންތަކުގެ އެންމެ ކުރީގައި ވެސް އޮތީ ދަހާގެ ނަމެވެ.

މާލިއްޔަތު ކޮމެޓީން އެ މަގާމަށް ކުރިއަށް ގެންދިޔަ އިންޓަވިއުން ވެސް %96.61އާ އެކު އެންމެ ކުރީގައި އޮތީ ވެސް ދަހާގެ ނަމެވެ.

މަޖިލީހުގެ އިގުތިސާދީ ކޮމިޓީން ފާސްކުރީ އެ މަގާމަށް ދަހާ އައްޔަނުކުރުމަށް ރުހުން ދިނުމަށެވެ. އެ މަގާމަށް އައްޔަންކުރަން ދަހާއަށް ރުހުންދިނީ 69 މެންބަރުންގެ އިއްތިފާގުންނެވެ.