އެއާޕޯޓުގައި ކާރަކާއި ޕިކަޕެއް ޖެހި އެކްސިޑެންޓެއް

އަލީ ރާޒީ

07 ޖެނުއަރީ 2025 - 11:10

0 comments

އެއާޕޯޓުގައި މިއަދު ހިނގާދިޔަ އެކްސިޑެންޓް

ވެލާނާ އިންޓަނޭޝަނަލް އެއާޕޯޓުގައި ކާރަކާއި ޕިކަޕެއް މުޑިއަރައި ނުރައްކާތެރި އެކްސިޑެންޓެއް ހިނގައިފި އެވެ.

އެ އެކްސިޑެންޓާ ގުޅިގެން ވީއައިއޭ އިން އެކްސްގައި ކުރި ޕޯސްޓެއްގައި ބުނީ، ހެނދުނު 10 ޖަހާކަށް ހާއިރު އެއާޕޯޓުގައި ޓެކްސީއެއް ކޮންޓްރޯލުން ނެއްޓި އެކްސިޑެންޓެއް ހިނގާފައިވާ ކަމަށެވެ.

އެ އެކްސިޑެންޓު ދިމާވީ ޑްރައިވަރަށް ދިމާވި ސިއްހީ ކުއްލި ހާލަތެއްގެ ސަބަބުން ކަމަށް ޕްރިލިމިނަރީ އެސެސްމެންޓްތަކުން ލަފާ ކުރެވޭ ކަމަށް ވީއައިއޭ އިން ބުންޏެވެ.

އެ ޑްރައިވަރަށް މިހާރު ފަރުވާ ދެމުން އަންނަނީ ހުޅުމާލޭ ހޮސްޕިޓަލްގަ އެވެ.

ފުލުހުން ބުނީ އޭނާއަށް ސީރިއަސް އަނިޔާއެއް ލިބިފައި ނުވާ ކަމަށެވެ.

ފުލުހުން ބުނީ މި އެކްސިޑެންޓް ހިނގާފައި ވަނީ ކާރު ރޯޑް ޑިވައިޑާތަކާއި ވޭނެއްގައި ޖެހުމަށްފަހު ޕިކަޕުގެ ފަހަތުގައި ޖެހިގެން ކަމަށެވެ. މި މައްސަލަ ފުލުހުން ދަނީ ތަހުގީގު ކުރަމުންނެވެ.