ގާނޫނު އަސާސީގެ ދިފާއުގައި އެމްޑީޕީން އިހުތިޖާޖަށް ނުކުންނަނީ

އަލީ ރާޒީ

09 ޖެނުއަރީ 2025 - 12:51

0 comments

"ގާނޫނުއަސާސީގެ ދިފާއު" ގައި މިމަހުގެ 31 ވަނަ ދުވަހު މަގުމައްޗަށް ނިކުންނަން އިދިކޮޅު އެމްޑީޕީގެ ގައުމީ މަޖިލީހުން ފާސްކޮށްފި އެވެ.

މި ހަރަކާތްތަކުގައި އެހެން ސިޔާސީ ޕާޓީތަކާއި މަދަނީ ޖަމިއްޔާތަކުގެ އިތުރުން އާންމު ރައްޔިތުން ބައިވެރިކުރުމަށް ދައުވަތު ދިނުމަށް ވެސް އެމްޑީޕީގެ ގައުމީ މަޖިލީހުން ވަނީ ފާސްކޮށްފަ އެވެ.

އެމްޑީޕީން މަގުމައްޗަށް ނުކުންނަން ނިންމީ ރައްޔިތުންގެ މަޖިލީހުގެ މެންބަރެއް ޕާޓީން ވަކިކޮށްގެން ގޮނޑި ގެއްލޭ ގޮތަށް ގާނޫނުއަސާސީއަށް ގެނައި ބަދަލާއި ގެންނަމުންދާ ބަދަލުތަކާއި ގުޅިގެންނެވެ.

ގާނޫނުއަސާސީގެ ދިފާއުގައި އެމްޑީޕީ އިން މިދިޔަ ޑިސެމްބަރު މަހުގެ 10 ވަނަ ދުވަހުގެ ރޭ ވަނީ މާލޭ ކާނިވާ ސަރަހައްދުގައި ޖަލްސާއެއްވެސް ބާއްވާފަ އެވެ.