އެމްޑީޕީގެ ގައުމީ މަޖިލީހަށް ކުރިމަތިލާން ހުޅުވާލައިފި

މަރިޔަމް އަނާ

02 ޖެނުއަރީ 2025 - 20:01

0 comments

އެމްޑީޕީ ގައުމީ މަޖިލިސް ޖަލްސާ އެއް - ފޮޓޯ: އެމްޑީޕީ

އެމްޑީޕީ ގައުމީ މަޖިލީހުގެ ހުސްވެފައިވާ މަގާމުތަކަށް ކުރިމަތިލާން އެ ޕާޓީން މިއަދު ހުޅުވާލައިފި އެވެ.

އެ ޕާޓީން ބުނީ ތިން ދާއިރާއެއްގެ ރައީސްކަމުގެ މަގާމަށް ކުރިމަތިލުމުގެ ފުރުސަތު މި މަހުގެ 6 އާ ހަމައަށް ހުޅުވާލާފައިވާ ކަމަށެވެ. އެ ދާއިރާތަކަކީ ހއ.ހޯރަފުށީ ދާއިރާ، ރ.އަތޮޅު އިނގުރައިދޫ ދާއިރާ، އަދި ގއ. ވިލިނގިލީ ދާއިރާ އެވެ.

ކުރިމަތިލުމުގެ ޝަރުތުތަކުގެ ތެރޭގައި މި މަހުގެ 1 އާ ހަމަޔަށް އެމްޑީޕީގެ މެންބަރެއްގެ ގޮތުގައި އިލެކްޝަން ކޮމިޝަނުގައި ދަފްތަރުވެފައިވުމާއ ވޭތުވެދިޔަ 5 އަހަރު ތެރޭގައި އެމްޑީޕީގެ އަސާސީ ޤަވާއިދާ ހިލާފުވެފައި ނުވާ މެންބަރަކަށްވުން ހިމެނެ އެވެ.

ރާއްޖޭގައި އެންމެ ފަހުން ވެރިކަން ކުރި އަދި މިހާރުގެ އެންމެ ބޮޑު އިދިކޮޅު ޕާޓީ، އެމްޑީޕީގެ ގައުމީ މަޖިލީހުގައި ދާއިރާތަކުގެ ރައީސުންގެ އިތުރުން ދެން އިސްކޮޑް ތިއްބަވަނީ ޗެއާޕާސަނާއި ޕާޓީގެ ރައީސާއި ރައްޔިތުންގެ މަޖިލީސް ތަމްސީލްކުރައްވަމުން ގެންދަވާ މެމްބަރުންނާއި ޒުވާނުންގެ ހިތްވަރުގެ ރައީސް އިތުރުން އިސްލާމީ މަޝްވަރާ މަޖިލީހުގެ ރައީސެވެ.