ސަފާރީއަކުން ރޭ ކަނޑަށް ވެއްޓުނު މީހަކު ނުފެނިގެން ހޯދަނީ

އަލީ ރާޒީ

10 ޖެނުއަރީ 2025 - 11:40

0 comments

އދ. ރިސޯޓެއްގެ ކައިރީ އޮތް ސަފާރީއަކުން މޫދަށް ވެއްޓުނު މީހަކު ގެއްލިގެން ހޯދުމުގެ މަސައްކަތް ފުލުހުންނާއި ސިފައިން ފަށައިފި އެވެ.

ގެއްލިގެން ހޯދަނީ، އަލީ އަރުޝަދު (35އ) ސީވީޑް، ނ. ހުޅުދޫއެވެ.

ފުލުހުން މިއަދު ބުނީ، އދ. އަތޮޅުގެ ރިސޯޓެއް ކައިރީގައި އޮތް ސަފާރީއެއްގައި އުޅުނު ދިވެއްސަކު ގެއްލިގެން މިއަދު ރިޕޯޓުކޮށްފައިވާ ކަމަށެވެ.

ފުލުހުން ބުނީ އަރުޝަދު ގެއްލިގެން ސަފާެރީން މިއަދު ރިޕޯޓްކުރުުމުން އެ ބޯޓުގެ ސީސީޓީވީ ފުޓޭޖުތައް ބެލިއިރު އަރުޝަދު ސަފާރީގެ ޑެކް މަތީ ހުއްޓާ މޫދަށް ވެއްޓޭ މަންޒަރު ފެންނަ ކަމަށެވެ. އަދި މޫދަށް ވެއްޓެން ދިޔައިރު އޭނާގެ ބޯ ބޯޓުގެ އަރިމަތީ ޖެހިފައިވާކަން ފާހަގަވެފައިވާ ކަމަށް ވެސް ފުލުހުން ބުންޏެވެ.

އޭނާ ހޯދުމުގެ މަސައްކަތް އެމްއެންޑީއެފް އާއި ފުލުހުން ގުޅިގެން އަންނަނީ ކުރަމުންނެވެ.