ވަގު މަސް ބޯޓެއް އަނެއްކާ ވެސް ޑްރޯނުން ހޯދައިފި

މަރިޔަމް އަނާ

26 ޑިސެމްބަރ 2024 - 19:14

0 comments

ރާއްޖޭގެ ކަނޑުގެ ސަރަހައްދުގައި ގަވާއިދާ ޚިލާފަށް ހަރަކާތްތެރިވަމުންދިޔަ ބޯޓެއް ކޯސްޓްގާޑުގެ ބެލުމުގެ ދަށަށް ގެނެސްފި އެވެ.

އެމްއެންއެޑީއެފުން ބުނިގޮތުގައި އެއާ ކޯ ޑްރޯން އަށް ބޯޓު ފެނުނީ، ރާއްޖޭގެ އިގްތިސޯދީ ސަރަހައްދު ބެލެހެއްޓުމަށް ހިންގި އޮޕަރޭޝަނެއްގަ އެވެ. އެ ބޯޓު މިހާރު ވަނީ ކޯސްޓްގާޑުގެ ބެލުމުގެ ދަށަށް ގެނެސްފައި ކަމަށް ވެސް ބުންޏެވެ.

އެކަމަކު އެއީ ކޮން ގައުމެއްގެ ބޯޓެއް ކަމެއް އަދި އަތުލައިގަތީ ކޮން ހިސާބަކުން ކަމެއް ނުބުނެ އެވެ.

މިދިޔަ މަހުގެ ތެރޭގައި ވެސް ވަނީ ރާއްޖޭގެ ކަނޑުގެ ސަރަހައްދަށް ގަވާއިދާ ހިލާފަށް ވަދެގެން އުޅުނު ބޭރުގެ ބޯޓެއް ޑްރޯންގެ އެހީގައި ހޯދައިފަ އެވެ.

ރާއްޖޭގައި އަސްކަރީ ޑްރޯންތައް ފުރަތަމަ ފަހަރަށް ބޭނުންކުރަން ފަށާފައި ވަނީ މިއަހަރުގެ މާޗު މަހު އެވެ.