އިންޑިޔާގެ ކުރީގެ ބޮޑުވަޒީރު މަންމޯހަން ސިންގ އަވަހާރަވެއްޖެ

ހަސަން ހަލީމް

27 ޑިސެމްބަރ 2024 - 00:26

0 comments

އިންޑިޔާގެ ކުރީގެ ބޮޑުވަޒީރު މަންމޯހަން ސިންގ އަވަހާރަވެއްޖެ އެވެ.

އުމުރުފުޅުން 92 އަހަރުގައި މަންމޯހަން ސިންހް އަވަހާރަވީ މުސްކުޅި ބަލީގައި ގިނަ ދުވަސްތަކެއް އުޅުއްވުމަށް ފަހު މިރޭގެ ވަގުތެއްގައި އޯލް އިންޑިއާ އިންސްޓިޓިއުޓް އޮފް މެޑިކަލް ސައިންސަސް (އެއިމްސް) އަށެވެ.

"ފުރާނަ ސަލާމަތްކުރުމަށް ކުރެވެން ހުރި ހުރިހާ މަސައްކަތެއް ކުރި ނަމަވެސް [އިންޑިއާ ގަޑިން] މިރޭ 9:51 ހާއިރު ވަނީ އަވަހާރަވިކަން ކަށަވަރުވެފައި،" ހޮސްޕިޓަލްގެ ބަޔާނުގައިވެ އެވެ.

މަންމޯހަން ސިންހް އިންޑިއާގެ ބޮޑުވަޒީރުކަން ކުރެއްވީ 2004 އިން 2014 ގެ ނިޔަލަށެވެ.

މިހާރުގެ ބޮޑުވަޒީރު ނަރެންދުރަ މޯދީގެ ކުރިން ބޮޑުވަޒީރުކަމުގައި ހުންނެވި ސިންގް އަވަހާރަވުމާ ގުޅިގެން މޯދީ ވަނީ ހިތާމަ ފާޅުކުރައްވައިފަ އެވެ. މޯދީ އެކްސްގައި ކުރެއްވި ޕޯސްޓެއްގައި ވިދާޅުވީ ސިންގަކީ "އެންމެ ތަފާތު ލީޑަރު" ކަމަށާއި އެއީ އާންމުންގެ ދިރިއުޅުމަށް ހެޔޮ ބަދަލު ގެންނަން ގިނަ މަސައްކަތްތަކެއް ކުރެއްވި ބޭފުޅެއް ކަމަށެވެ.