ރަސްމީ ދަތުރެއްގައި އެސްޓޯނިއާއަށް ރައީސް މުއިއްޒު ވަޑައިގަންނަވަނީ

އަލީ ރާޒީ

11 ޖެނުއަރީ 2025 - 15:57

0 comments

ރައީސް ޑރ. މުހައްމަދު މުއިއްޒު، ރަސްމީ ދަތުރުފުޅެއްގައި އެސްޓޯނިއާ އަށް ވަޑައިގަންނަވާ ގޮތަށް ހަމަޖެހިއްޖެ އެވެ.

ރައީސްގެ މިދަތުރުފުޅަކީ އެސްޓޯނިއާގެ ރައީސް އަލާރް ކާރިސްގެ ދައުވަތަކަށް ހަތަރު ދުވަހަށް ކުރައްވާ ދަތުރުފުޅެކެވެ.

ރައީސް މުއިއްޒުގެ މިދަތުރުފުޅުގައި ފުރާވަޑައިގަންނަވާނީ މިމަހުގެ 13 ވަނަ ދުވަހު އެވެ. ދަތުރުފުޅު ނިމޭނީ މިމަހުގެ 16 ވަނަ ދުވަހު އެވެ.

އުތުރު ޔޫރަޕުގެ ގައުމެއް ކަމަށްވާ އެސްޓޯނިއާ އަކީ ޑިޖިޓަލް ޓްރާންސްފޮމޭޝަންގެ ދާއިރާ އިން ކުރިއަރާފައިވާ ގައުމެކެވެ. ހާއްސަކޮށް، ޑިޖިޓަލް ގަވަނަންސް އާއި އީ-ސާވިސަސްގެ ދާއިރާ އިން އެ ގައުމަކީ ދުނިޔޭގައި ފާހަގަ ކުރެވޭ ގައުމެކެވެ.

ރައީސްގެ އެސްޓޯނިއާ ދަތުރުފުޅުގައި އެ މަނިކުފާނުގެ އަރިހުގައި ފޮރިން މިނިސްޓަރު ޑރ. އަބްދުﷲ ހަލީލާއި ހޯމްލޭންޑް ޓެކްނޮލަޖީ މިނިސްޓަރު އަލީ އިހުސާން އާއި ސަރުކާރުގެ އިސް އޮފިޝަލުން އަދި ރާއްޖޭގެ ޓެކްނޮލަޖީ ދާއިރާގެ އިސް ބޭފުޅުން ބައިވެރިވެވަޑައިގަންނަވާނެ އެވެ.

މިއީ ރާއްޖޭގެ ރައީސަކު އެސްޓޯނިއާއަށް ކުރައްވާ ފުރަތަމަ ރަސްމީ ދަތުރުފުޅެވެ.