ސިހުރު ހަދާ ކަމުގެ ތުހުމަތުގައި އަލިފުއްޓާއި މީދޫގައި ފުލުހުންގެ ބޮޑު އޮޕަރޭޝަނެއް

އަލީ ރާޒީ

12 ޖެނުއަރީ 2025 - 19:56

0 comments

ރ. އަތޮޅުގެ ދެ ރަށެއްގައި ސިހުރު ހަދާ ކަމަށް ތުހުމަތުކޮށް ބައެއް ގެތައް ބަލައި ފާސްކުރަން ފަށައިފި އެވެ.

ފުލުހުން ކުރިއަށް ގެންދާ މި އޮޕަރޭޝަންގައި ބަލައި ފާސްކުރަނީ ރ. އަލިފުއްޓާއި ރ. މީދޫގެ ބައެއް ގެތަކެވެ.

އެ ދެ ރަށުގައި ސިހުރު ހަދާ ކަމަށް ބުނެ ހުށަހަޅާފައިވާ މައްސަލައަކާ ގުޅިގެން އޮޕަރޭޝަނެއް ކުރިއަށް ގެންދާ ކަމަށް ބުނި ނަމަވެސް އިތުރު ތަފްސީލް ފުލުހުން ހިއްސާކޮށްފައެއް ނުވެ އެވެ.

ސިހުރު ހެދުމުގެ މައްސަލަތަކުގައި މީގެ ކުރިން ވެސް މީހުން ހައްޔަރުކޮށްފައިވެ އެވެ.

އަދި މިދިޔަ އަހަރު ށ. ކަނޑިތީމުގައި ސިހުރު ހެދުމުގެ ތުހުމަތުގައި ގެތަކެއް ބަލައި ފާސްކޮށް އެކަމަށް ބޭނުންކުރާ ބައެއް ސާމާނު ވެސް ފުލުހުން ހޯދާފައިވެ އެވެ.