ޓޫރިޒަމް މިނިސްޓްރީން ސަސްޕެންޑްކުރި ނިހާދު ފިނޭންސް މިނިސްޓްރީއަށް

އަހުމަދު ނިހާން

27 ޖެނުއަރީ 2025 - 11:08

0 comments

ރާއްޖޭގައި ހިންގާ ބައިނަލްއަގުވާމީ ޓޫރިޒަމް ބްރޭންޑުތަކުގެ ރިސޯޓުތަކަށް އަމާޒުކޮށް އިދިކޮޅު އެމްޑީޕީން އިސްވެ އޮވެ ޓެރަރިސްޓު ހަމަލާއެއް ދޭން އުޅޭ ކަމަށް ތުހުމަތުކޮށް ވާހަކަ ދެއްކެވި މައްސަލާގައި ޓޫރިޒަމްގެ ސްޓޭޓު މިނިސްޓަރު ކަމުން ސަސްޕެންޑްކުރި މުހައްމަދު ނިހާދު ފިނޭންސް މިނިސްޓްރީގެ ސްޓޭޓް މިނިސްޓަރަކަށް އައްޔަންކޮށްފި އެވެ.

އެ ޖަލްސާގައި ނިހާދު ވަނީ ރާއްޖެ އަންނަ ޓޫރިސްޓުންނަށް ހަމަލާއެއް ދޭން އެމްޑީޕީން ރާވަމުންދާ ކަމަށް ބުނެ، ޓޫރިސްޓުންގެ ހިތުގައި ބިރުވެރިކަން އުފެދޭ ފަދަ ވާހަކަތަކެއް ދައްކަވައިފަ އެވެ.

އެނގިފައިވާ ގޮތުގައި ނިހާދު ފިނޭންސްގެ ސްޓޭޓް މިނިސްޓަރަކަށް އައްޔަންކުރީ މިދިޔަ ހަފުތާގެ ބުރާސްފަތީގަ އެވެ. އޭނަ އަށް ޓޫރިޒަމް މިނިސްޓްރީގެ ސްޓޭޓް މިނިސްޓަރުކަން ދިނީ މިދިޔަ އަހަރުގެ ޖުލައި މަހުގެ ތެރޭގަ އެވެ.

މިދިޔަ މަޖިލީހުގައި އައްޑޫ ފޭދޫ ދާއިރާ ތަމްސީލްކުރައްވަމުން ގެންދެވި މެންބަރު ނިިހާދަކީ ވެރިކަން ބަދަލުވި ފަހުން އެމްޑީޕީން ޕީއެންސީއަށް ސޮއިކުރެއްވި 13 މެންބަރުންގެ ތެރެއިން މެންބަރެކެވެ. ދެން އައި މަޖިލިސް އިންތިހާބުގައި ނިހާދު ވާދަނުކުރައްވައި ސަރުކާރުގެ ސިޔާސީ މަގާމަކަށް ވަޑައިގަތީ އެވެ.