ތ. ގުރައިދޫގައި އެއާޕޯޓް ތަރައްގީ ކުރަން ބޭނުންވާ ބިން ހިއްކަން ތައްޔާރުވެއްޖެ

އިސްމާއިލް ރިޒާ

29 ޖެނުއަރީ 2025 - 11:35

0 comments

ތ. ގުރައިދޫ އެއަރޕޯރޓް ތަރައްޤީ ކުރުމަށް ބޭނުންވާ ބިން ހިއްކުމަށް ތައްޔާރުވެއްޖެ އެވެ.

އެމްޓީސީސީއިން ބުނީ ގުރައިދޫ އެއާޕޯޓް ތަރައްގީ ކުރުމަށްޓަކައި، ގުރައިދޫ ބިން ހިއްކުމާއި ގޮނޑުދޮށް ހިމާޔަތް ކުރުމުގެ މަޝްރޫއުގެ ދަށުން، ބިން ހިއްކާ ސަަރަޙައްދުގައި ބަންޑް ވޯލް ރޭނުމުގެ މަސައްކަތް މިހާރު ފަށާފައިވާ ކަމަށެވެ.

ބިން ހިއްކުމުގެ މަސައްކަތް ކުރުމަށް އެމްޓީސީސީއާ ހަވާލުކޮށްފައިވަނީ 106.02 މިލިޔަން ރުފިޔާއެވެ. އަދި މި މަސައްކަތް 300 ދުވަހުގެ ތެރޭގައި ނިންމަންޖެހެއެވެ.

ތ. ގުރައިދޫގައި އެއާޕޯޓެއް އެޅުމަކީ ރައީސް ޑރ. މުހައްމަދު މުއިއްޒު ވެވަޑައިގެންނެވި ރިޔާސީ ވައުދެކެވެ. އަދި އެރަށާ މާދުރު ނޫން ހިސާބެއްގައި އޮތް ތ. ވިލުފުށީގައި އެއާޕޯޓެއް އެޅުމަކީވެސް ރައީސް މުއިއްޒުގެ ރިޔާސީ ވައުދެކެވެ.