ކެފޭއެއްގައި ބިދޭސީންތަކެއް ހިންގި މާރާމާރީއެއްގައި އަނިޔާވި މީހަކަށް ފަރުވާދެނީ

އައިމިނަތު ޝިޔާޒާ

04 ފެބުރުއަރީ 2025 - 13:40

0 comments

މާލޭގެ ކެފޭއެއްގެ ތެރޭގައި ބިދޭސީންތަކެއްގެ މެދުގައި މާރާމާރީ ހިންގައި އެކަކު ޒަހަމްކޮށްލައިފި އެެވެ.

ފުލުހުން ބުނީ މާރާމާރީ ހިންގާފައިވަނީ ބިދޭސީންތަކެއްގެ މެދުގައިކަމަށެވެ. މިމާރާމާރީގައި ތޫނު އެއްޗަކުން ހަމަލާދީ ބިދޭސީއަކު ވަނީ ޒަޚަމްކޮށްލާފައެވެ. އެބިދޭސީ މީހާއަށް އައިޖީއެމްއެޗްގައި ފަރުވާދެމުން އަންނަކަމަށް ފުލުހުން ވަނީ ވިދާޅުވެފަ އެވެ.

މި މާރާމާރީގެ މައުލޫމާތު ފުލުހުންނަށް ލިބިފައިވަނީ މިއަދު މެންދުރު 12:10 ހާއިރުއެވެ. މި މައްސަލައާއި ގުޅިގެން ފުލުހުންދަނީ އެ ސަރަހައްދުގައި ހަރަކާތްތެރިވަމުންނެވެ.

އާއްމުވެފައިވާ ވީޑިއޯ އިން ފެންނަ ގޮތުގައި، ޒަހަމްވި މީހާގެ ގައިން ފޭބި ލޭތައް، ކެފޭ ތެރޭގައި ހުއްޓެވެ.