ރޯދަމަހު ކެފޭ އާއި ފިހާރަތައް ހުޅުވޭނެ ގަޑިތައް ކަނޑައަޅައިފި

މަރިޔަމް އަނާ

09 ފެބުރުއަރީ 2025 - 19:32

0 comments

ކުރިއަށް އޮތް ރޯދަމަހު ކެއިންބުއިމުގެ ޚިދުމަތްދޭ ކެފޭ ރެސްޓޯރެންޓުތައް ހުޅުވާފައި ބެހެއްޓޭނީ، ހަވީރު 05:30އިން މެންދަމު 03:00އާ ހަމައަށް ކަމަށް އިކޮނޮމިކް މިނިސްޓްރީން ބުނެފިއެވެ.

އިކޮނޮމިކް މިނިސްޓްރީން މިއަދު ވަކިވަކިން ކުރި ދެ އިއުލާނުގައި ވަނީ ރޯދަމަހާއި ޝައްވާލް ހަމުގެ ފުރަތަމަ 7 ދުވަހު އެތަންތަން ހުޅުވާފައި ބެހެއްޓޭނެ ގަޑިތައް އާންމުކޮށްފަ އެވެ.

ތަފްސީލް - އެގޮތުން ރޯދަމަހު:

ކެފޭތަކާއި ރެސްޓޯރެންޓްތައް ހުޅުވާފައި ބެހެއްޓޭނީ ހަވީރު 5:30 އިން މެންދަމު 3:00އާ ދެމެދު؛
މި މަހު 15އިން ފެށިގެން ޝައްވާލްމަހުގެ ފުރަތަމަ 7 ދުވަސް ނިމެންދެން ފިހާރަތައް ހުޅުވާފައި ބެހެއްޓޭނީ ފަތިހު 5:30 އިން މެންދަމު 1:00އާ ދެމެދު

ޝައްވާލް މަހުގެ ފުރަތަމަ 7 ދުވަހު:

ކެފޭތަކާއި ރެސްޓޯރެންޓްތައް ހުޅުވާފައި ބެހެއްޓޭނީ ފަތިހު 4:30 އިން މެންދަމު 3:00އާ ދެމެދު

އިކޮނޮމިކް މިނިސްޓްރީން 24 ގަޑިއިރު ހިދުމަތް ދިނުމަށް ހުއްދަ ދޫކޮށްފައިވާ ވިޔަފާރިތަކުންވެސް ރޯދަ މަހާ ގުޅުވަޑައިގެން ކަނޑައަޅާފައިވާ ގަޑިތަކާ އެއްގޮތަށް އަމަލުކުރުމަށްވެސް އަންގާފައިވެ އެވެ.

މީލާދީ ކަލަންޑަރުގައިވާ ގޮތުގައި ރާއްޖެއަށް މިއަހަރުގެ ރޯދަ މަހުގެ ފުރަތަމަ ދުވަހަކީ ކުރިއަށް އޮތް މާޗު 1 ވަނަ ދުވަހެވެ.