މަގުތަކަށް ދޫކޮށްލާފައި ހުރި 235 ވެހިކަލެއް ޓޯ ކޮށްފި

އައިމިނަތު ޝިޔާޒާ

15 ފެބުރުއަރީ 2025 - 22:11

0 comments

ދިގު މުއްދަތަކަށް ބޭނުން ނުކޮށް މަގުމައްޗަށް ދޫކޮށްލާފައިވާ 235 އުޅަނދެއް، ފުލުހުން މިއަދު މާލޭ މަގުމަތިން ނަގައި ޓޯކޮށްފި އެވެ.

ފުލުހުން ބުނީ މާލޭގެ މަގުތަކުގައި ދިގު މުއްދަތަކަށް ބޭނުންނުކޮށް ދޫކޮށްލާފައި ހުރި އުޅަނދުތައް ނެގުމުގެ މަސައްކަތް މިއަދު ކޮށްފައިވާ ކަމަށެވެ.

މި މަސައްކަތުގެ ދަށުން ޖުމްލަ 235 އުޅަނދެއް ޓޯ ކޮށްފައިވާ ކަމަށް ފުލުހުން ބުނެ އެވެ. މީގެ ތެރޭގައި ހިމެނެނީ 201 ސައިކަލު، ހަތަރު ފުރޮޅުލީ 31 އުޅަނދު އަދި ތިން ބައިސްކަލް ކަމަށް ފުލުހުން ބުނެ އެވެ.

ވެރިރަށް މާލޭގެ މަގުތަކުގެ 65 ޕަސެންޓު އަބަދު ވެސް ހިފައިފައި އޮންނަނީ ޕާކުކޮށްފައި އޮންނަ އުޅަނދުތަކުން ކަމަށާއި، މިކަމުގެ ސަބަބުން މަގުމަތީގެ އެކްސިޑެންޓުތައް އިންތިހާއަށް އިތުރުވަމުންދާ ކަމަށް ޓްރާންސްޕޯޓު މިނިސްޓްރީން މީގެ ކުރިން ވަނީ ބުނެފައެވެ.

ދާދިފަހުން ފުލުހުންނާއި އެޗްޑީސީ ގުޅިގެން ވަނީ ހުޅުމާލޭ މަގުތަކުގައި ހުރި ބާ އުޅަނދުތައް ވެސް ނަގައިފަ އެވެ.