ޓޫރިޒަމް އެންޑް އެންވަޔަރްމެންޓް މިނިސްޓަރު ތޯރިގަށް ރުހުން ދީފި

އަލީ ރާޒީ

17 ފެބުރުއަރީ 2025 - 11:53

0 comments

އެންވަޔަރަންމަންޓް މިނިސްޓްރީ އާއި ޓޫރިޒަމް މިނިސްޓްރީ އެއްކޮށްލައި މިނިސްޓާ އޮފް ޓޫރިޒަމް އެންޑް އެންވަޔަރަންމަންޓްގެ މަގާމަށް އައްޔަން ކުރެއްވި ތޯރިގު އިބްރާހީމަށް ރައްޔިތުންގެ މަޖިލީހުން މިއަދު ރުހުންދީފި އެވެ.

ތޯރިގަށް ރުހުންދޭން ފާސްވީ ވޯޓު ދެއްވި 69 މެންބަރުންގެ އިއްތިފާގުންނެވެ.

މި ބަދަލަށް ރުހުން ހޯދުމަށް މަޖިލީހުގައި މިއަދު ނެގި ވޯޓުގައި ރުހުން އޮތް ކަމަށް ފާސްކޮށްފައިވަނީ ވޯޓުގައި ބައިވެރިވި ހުރިހާ މެންބަރުންގެ އިއްތިފާގުންނެވެ.

އެންވަޔަރްމަންޓާއި ޓޫރިޒަމް މިނިސްޓްރީ އެއްކޮށްލައި، މިނިސްޓަރަކަށް ތޯރިގު އައްޔަން ކުރެއްވީ ކުރިން ޓޫރިޒަމް މިނިސްޓަރަކަށް ހުންނެވި އިބްރާހިމް ފައިސަލް މިދިޔަ މަހުގެ 28 ގައި މަގާމުން ވަކިކުރެއްވުމާ ގުޅިގެންނެވެ. މަޖިލީހުގެ ރައީސް އަބްދުއްރަހީމް އަބްދުﷲ ގެ ދަރިކަލުން ފައިސަލް މަގާމުން ވަކިކުރެއްވި ސަބަބެއް ސަރުކާރުން މިހާތަނަކަށް ނުބުނެ އެވެ.

ޓޫރިޒަމް މިނިސްޓްރީއާއި އެންވަޔަރަންމަންޓް މިނިސްޓްރީން އެއްކޮށްލާފައި މިވަނީ ޓޫރިޒަމް މިނިސްޓަރުގެ މަގާމުގައި ހުންނެވި އިބްރާހީމް ފައިސަލް ޖެނުއަރީ 28 ވަނަ ދުވަހު މަގާމުން ވަކިކުރެއްވުމަށްފަހު އެވެ.