އާތު އަވާ، މިރޭ ރާއްޖޭގައި ފާހަގަކުރަން ނިންމައިފި

އަލީ ރާޒީ

22 މާޗް 2025 - 08:38

0 comments

ދުނިޔޭގެ ފެންވަރުގައި ފާހަގަކުރާ އާތު އަވާ، މިރޭ ރާއްޖޭގައި ފާހަގަކުރަން ނިންމައިފި އެވެ.

އެންވަރަމެންޓް މިނިސްޓްރީން ނެރުނު އިއުލާނެއްގައި އެދިފައިވަނީ މި ރޭގެ 8:30-9:30އަށް، ކޮންމެހެން ބޭނުން ކުރަން ޖެހޭ ތަކެތި ފިޔަވައި، އެހެން ހުރިހާ ދިއްލުންތަކެއް ނިވާލުމަށެވެ.

މިނިސްޓްރީން ވަނީ މާލެ އާއި ހުރިހާ ރަށެއްގައި، އާއްމު ގެތަކާއި ވިޔަފާރި ކުންފުނިތަކާއި މަދަނީ ޖަމިއްޔާތަކުން އެކަމުގައި ބައިވެރިވުމަށް އެދިފަ އެވެ.

މިނިސްޓްރީން ބުނީ އެ ހަރަކާތުގެ މައިގަނޑު މަގްސަދަކީ މޫސުމަށް އަންނަ ބަދަލުތަކާ ދެކޮޅަށް މަސައްކަތްކުރުމާއި ގުދުރަތީ ތަރިކަ ހިމާޔަތްކުރުމަށް އެއްބައިވަންތަކަމުގެ އަޒުމް ދައްކުވައިދިނުން ކަމަށެވެ.

އެހެންވެ، ދުނިޔޭގެ އެކި ކަންކޮޅުތަކުގައި ވެސް 60 މިނެޓުގެ ވަގުތަށް 'ލައިޓް އައުޓް' ޕީރިއަޑެއްގައި ބައިވެރިވެ، ތިމާވެއްޓަށް އަންނަމުންދާ ބަދަލުތަކާ ދެކޮޅަށް މަސައްކަތްކުރުމަށް ވަކި ވަކި ފަރުދުންނާއި އަމިއްލަ ކުންފުނިތަކާއި މަދަނީ ޖަމިއްޔާތަކުގެ ބައިވެރިވުމަށް ހިތްވަރު ދެ އެވެ.

މީގެ ކުރިން ވެސް، އެކި އަހަރުތަކުގައި ރާއްޖޭގައި އާތު އަވާ ފާހަގަ ކޮށްފައިވެ އެވެ. އެކަމަކު މި ފަހަކުން އެކަން އޮތީ މެދުކެނޑިފަ އެވެ.