އިތުބާރު ނެތް ކަމުގެ މައްސަލައަށް ޖަވާބުދާރީވުމަށް އެއްގަޑިއިރު

މަރިޔަމް އަނާ

17 ފެބުރުއަރީ 2025 - 15:21

0 comments

ހޯމްލޭންޑް ސެކިއުރިޓީ މިނިސްޓަރު އަލީ އިހްސާންގެ އިތުބާރު ނެތް ކަމުގެ މައްސަލައިގައި ރައްޔިތުންގެ މަޖިލީހަށް ޖަވާބުދާރީވުމަށް އެއް ގަޑިއިރުގެ ފުރުސަތު ދިނުމށް މަޖިލީހުގެ އާންމު ކޮމިޓީން މިއަދު ފާސްކޮށްފި އެވެ.

އޭނަގެ މައްޗަށް އިތުބާރު ނެތްކަމުގެ މައްސަލަ މަޖިލީހަށް ހުށަހެޅީ އިދިކޮޅު އެމްޑީޕީން ބުންޏެވެ.

އިހުސާން މަގާމުން ވަކިކުރަން އެ ޕާޓީން ހުށަހެޅީ ހޯމްލޭންޑް މިނިސްޓްރީގެ ދަށުް ހިންގަމުން އަންނަ ޑިޕާޓްމަންޓް އޮފް ނެޝަނަލް ރެޖިސްޓްރޭޝަން ޑީއެންއާރް) ސިސްޓަމަށް ވަގަށް ވަދެ، ވެރިކަން ކުރާ ޕާޓީ، ޕީއެންސީ އަށް މެންބަރުން ވެއްދި މައްސަަ ފެންމަތިވުމާ ގުޅިގެންނެވެ.

އެމްޑީޕީ އިން ހުށަހެޅި މައްސަލައިގައި ބުނެފައިވަނީ ޕީއެންސީއަށް ސައްހަ ނޫން ފޯމުތައް ހުށަހެޅުމުގެ މަސައްކަތް ކުރިއަށް ގެންދިޔައީ ޑީއެންއާރުގެ ވަސީލަތްތަކާޢި މުވައްޒަފުން ބޭނުންކޮށްގެން އެ އޮފީހުގެ ތެރޭގައި އިހްސާންގެ ބެއްލެވުމުގެ ދަށުންކަން ހާމަވެގެންވެސް ގޮސްފައިވާ ކަމަށެވެ.

އެމްޑީޕީގެ ތުހުމަތުތަކަށް އިހްސާން ވަނީ އިންކާރު ކުރައްވާފަ އެވެ.