ފުލުހުންގެ ބެލުމުގެ ދަށުގައި ހުރި މީހަކު އަމިއްލައަށް މަރުވާން އުޅުމުން ފަރުވާ ދެނީ

މަރިޔަމް އަނާ

05 އޭޕްރީލް 2025 - 09:41

0 comments

ކުޅުދުއްފުށީ ޕޮލިސް ކަސްޓޯޑިއަލްގައި ބަންދުގައި ހުރި މީހަކު އަމިއްލައަށް މަރުވާން މަސައްކަތް ކުރުމުން އޭނާއަށް ހދ. ކުޅުދުށްފުށީ ރީޖަނަލް ހޮސްޕިޓަލުގައި ފަރުވާ ދޭން ރޭ ފަށައިފިއެވެ.

ފުލުހުން ބުނީ އެ މީހާއަކީ މަސްތުގެ ހާލަތުގައި ހުރެގެން ގޭގެ މުދަލަށް ގެއްލުންދީ ހަމަނުޖެހުން ހިންގި މައްސަލައަކާ ގުލިގެން އެޕްރިލް 2، ގައި ފުލުހުންގެ ބެލުމުގެ ދަށަށް ގެނައި 34 އަހަރުގެ މީހެއް ކަމަށެވެ.

މައްސަލައާ ގުޅިގެން އަޅަން ޖެހޭ ފިޔަވަޅުތައް އަޅައި، ހިއުމަން ރައިޓްސް ކޮމިޝަން އޮފް ދަ މޯލްޑިވްސް (އެޗްއާރްސީއެމް) އަދި ނެޝަނަލް އިންޓަގްރިޓީ ކޮމިޝަން (އެންއައިސީ) އަށް ހާދިސާގެ މައުލޫމާތު ހިއްސާކޮށްފައިވާ ކަމަށް ފުލުހުން ބުންޏެވެ.

ހާދިސާގެ ތަހުގީގަށް މޭޖާ ކްރައިމް، އިންވެސްޓިގޭޝަން ޓީމެއް އެ ރަށަށް ފޮނުވުމަށް ފުލުހުން ވަނީ ނިންމާފައެވެ. އަދި، ހާދިސާ ހިނގާފައިވާ ގޮތުގެ މައްޗަށް، އެތެރޭގެ ތަހުގީގެއް ޕްރޮފެޝަނަލް ކޮމާންޑުން ޚާއްސަ އިސްކަމެއް ދީގެން ކުރިއަށް ގެންދަމުން އަންނަކަމަށް ވެސް އެ ޚިދުމަތުން ވަނީ ބުނެފަ އެވެ.

ފާހަގަކޮށްލެވޭ ގޮތުގައި، މީގެ ކުރިން ވެސް ކުޅުދުއްފުށީ ޖަލުގައި ދަން ޖެހިގެން މީހަކު ވަނީ މަރުވެފަ އެވެ.