ކުޅުދުއްފުށީގެ އަށް ގެޔަކުން، ސިހުރު ހަދަން ބޭނުންކުރާ ތަކެތި ހޯދައިފި

އައިމިނަތު ޝިޔާޒާ

20 ފެބުރުއަރީ 2025 - 21:41

0 comments

ހދ. ކުޅުދުއްފުށީގައި ސިހުރު ހެދުމުގެ މައްސަލަ ބޮޑުވެ ބައެއް ތަންތަން ބަލައި ފާސްކުރަން ފަށައިފި އެވެ.

ފުލުހުންގެ މީޑިއާ އޮޕިޝަލަކު މިރޭ ވިދާޅުވީ، އެ މައްސަލައިގައި ފާސްކުރި ގެތަކުން ސިހުރު ހަދަން ބޭނުންކުރާ ޒާތުގެ ލިޔެކިޔުމާއި ފޮތާއި ސިހުރު ހަދަން ބޭނުންކުރާ އެކި ކަހަލަ އާލާތްތައް ފެނުނު ކަމަށެވެ.

އެ ތަކެތި މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައި ކަމަށް އޮފިޝަލް ވިދާޅުވި އެވެ.

އެ މައްސަލަ ފުލުހުން ތަހުގީގު ކުރަމުން އަންނަ ނަމަވެސް އެއްވެސް މީހަކު އަދި ހައްޔަރެއް ނުކުރެ އެވެ.

އެ މައްސަލަ ތަހުގީގު ކުރަމުން އަންނަ ކަމަށް ބުނި ނަމަވެސް، މައްސަލައިގައި އެއްވެސް މީހަކު ހައްޔަރުކޮށްފައިވާ ކަމެއް ފުލުހުން ހާމައެއް ނުކުރެއެވެ.

ސިހުރު ހެދުމުގެ ތުހުމަތުގައި މީގެ ކުރިން ވެސް ކަމާ ގުޅުން ހުރި ތަކެތި އަތުލައި، އެފަދަ ތަކެތި ގެންގުޅުނު މީހުން ހައްޔަރުކޮށްފައިވެއެެވެ.