ރައީސުލްޖުމްހޫރިއްޔާގެ ނައިބް ހުސައިން މުހައްމަދު ލަޠީފް، ކުޅުދުއްފުށީ ސިޓީއަށް ކުރައްވާ ރަސްމީ ދަތުރުފުޅެއްގައި މިއަދު ހެނދުނު ފުރާވަޑައިގަންނަވައިފި އެވެ.

މި ދަތުރުފުޅުގައި ރައީސުލްޖުމްހޫރިއްޔާގެ ނައިބްގެ އަރިހުގައި ސަރުކާރުގެ މަތީ ފަންތީގެ ވަފުދެއް ބައިވެރިވެވަޑައިގަންނަވަ އެވެ.

ރައީސުލްޖުމްހޫރިއްޔާގެ ނައިބުގެ މި ދަތުރުފުޅުގައި "ހަށިހެޔޮ ރާއްޖެ" ޕްރޮގްރާމް މިއަދު އިފްތިތާހް ކޮށްދެއްވުމަށް ވަނީ ހަމަޖެހިފަ އެވެ.

މީހުން ބިނާކުރުމާއި ތަމުރީނުކުރުމަކީ ގައުމުގެ ކުރިމަގު އުޖާލާކުރުމަށް ރައީސް ޑރ މުޙައްމަދު މުޢިއްޒު ގެންގުޅުއްވާ ހަރުދަނާ ސިޔާސަތެއް ކަމަށް އެ އޮފީހުން ބުންޏެވެ.

އެގޮތުން، މިއަދު އިފްތިތާހުކުރި ޕްރޮގްރާމަކީ ވެސް މި ސަރުކާރުގެ ހަފުތާ 14ގެ ވައުދުތަކުގައި ހިމެނޭ، މޮޅެތި އެތުލީޓުން އުފެއްދުމާބެހޭ ދިގު ރާސްތާގެ ޕްރޮގްރާމް ފަރުމާކުރުމުގެ ސިޔާސަތުގެ ތެރެއިން ސްޕޯޓްސް މިނިސްޓްރީގެ ފަރާތުން ކުރިއަށް ގެންދާ ހަރަކާތެއް ކަމަށް ރައީސް އޮފީހުން ބުންޏެވެ.