ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ) ގެ ޗެއާމަން މުހައްމަދު ޝަމީ އެ މަގާމުން ވަކިކޮށްފި އެވެ.

ޝާމީ ވަކި ކުރިކަން އިއުލާނު ކުރީ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުން މިއަދު ހެނދުނެވެ. އޭނާ ވަކި ކުރި ސަބަބެއް އެ ޕީސީބީއިން ހާމައެއް ނުކުރެ އެވެ.

"ރޯޑް ޑިވެލޮޕްމަންޓް ކޯޕަރޭޝަން ލިމިޓެޑްގެ ޗެއާޕާސަންގެ މަގާމުންނާއި އެކުންފުނީގެ ބޯޑުގެ މެމްބަރުކަމުން، މ. އެމޭޒަން، މުހައްމަދު ޝާމީ އާދަމް، 27 އެޕްރީލް 2025 ވީ އާދިއްތަ ދުވަހު ވަނީ ވަކިކޮށްފަ،" އެކްސްގައި ކުރި ޕޯސްޓެއްގައި ޕީސީބީއިން ބުންޏެވެ.

އާރްޑީސީގެ ޗެއާމަންގެ މަގާމަށް ޝާމީ އައްޔަން ކުރީ ޖެނުއަރީ، 2024، ގަ އެވެ.