މިހާރު ދުވާލެއްގެ މައްޗަށް އެވްރެޖުކޮށް 5000 ޓޫރިސްޓުން ރާއްޖެ ޒިޔާރަތްކުރޭ

ހަސަން ހަލީމް

17 މެއި 2025 - 10:53

0 comments

މިއަހަރު ރާއްޖެ ޒިޔާރަތްކުރި ޓޫރިސްޓުންގެ އަދަދު 900،000 ހުރަސްކޮށްފި އެވެ.

ތަފާސްހިސާބުތައް ދަައްކާ ގޮތުން ރާއްޖެ އަންނަަ ޓޫރިސްޓުންގެ ތެރެއިން %71 މީހުން ދަނީ ރިސޯޓްތަކަށެވެ. އަދި %23.5 މީހުން ގެސްޓްހައުސްތަކަށް ދާއިރު، ހޮޓަލްތަކަށް ދަނީ %3 މީހުންނެވެ.

ޓޫރިޒަމް މިނިސްޓްރީ އިން މިއަދު އާންމު ކުރި ހިސާބުތަކަށް ބަލާއިރު މި މަހުގެ 14 ވަނަ ދުވަހުގެ ނިޔަލަށް 901،210 ޓޫރިސްޓުން ވަނީ ރާއްޖެ އައިސްފަ އެވެ. މިއީ މިދިޔަ އަހަރުގެ އެ މުއްދަތާ އަޅާ ބަލާއިރު %8 އިތުރު އަދަދެކެވެ.

އެ ހިސާބުތަކަށް ބަލާއިރު މިހާރު ދުވާލެއްގެ މައްޗަށް އެވްރެޖުކޮށް 5،000 ފަތުރުވެރިން ރާއްޖެ ޒިޔާރަތް ކުރެ އެވެ.

އެންމެ ގިނައިން ޓޫރިސްޓުން އައި ފަސް ގައުމު

ޗައިނާ – 103،072 ޓޫރިސްޓުން
ރަޝިއާ – 97,123 ޓޫރިސްޓުން
އިނގިރޭސިވިލާތް – 93,043 ޓޫރިސްޓުން
އިޓަލީވިލާތް – 79,557 ޓޫރިސްޓުން
ޖަރުމަންވިލާތް – 69,238 ޓޫރިސްޓުން

ރާއްޖޭގެ ޖުމްލަ 175 ރިސޯޓެއް ފަތުރުވެރިންނަށް ހުޅުވާލާފައިވާއިރު، 836 ގެސްޓުހައުސް ހިންގަމުން އެބަދެއެވެ. އަދި ފަތުރުވެރިކަމުގެ ހިދުމަތްދޭ 158 ސަފާރީ ހިންގައެވެ.

މިއަހަރު ސަރުކާރުން ކަނޑައަޅާފައި ވަނީ 2.5 މިލިއަން ޓޫރިސްޓުން ރާއްޖެ ގެނައުމަށެވެ.