އޭދަފުށީގައި އިމިގްރޭޝަންގެ އޮފީހެއް ހުޅުވައި ޕާސްޕޯޓު ހިދުމަތް ފަށައިފި

މަރިޔަމް އަނާ

12 އޯގަސްޓް 2025 - 11:32

0 comments

އިމިގްރޭޝަންގެ އޮފީހެއް ބ. އޭދަފުށީގައި ހުޅުވައި ޕާސްޕޯޓްގެ ހިދުމަތް ފަށައިފި އެވެ.

އެ އޮފީސް ހުޅުވައި ހިދުމަތް ފައްޓަވައިދެއްވި ރައީސް ޑރ. މުހައްމަދު މުއިއްޒު މިހާރު އެ އަތޮޅަށް ކުރައްވާ ދަތުރުފުޅުގައި އެ މަނިކުފާނެވެ.

އިމިގްރޭޝަނުން ބުނީ ޕާސްޕޯޓަށް އެދި ހުށަހެޅުމާއި ދޫކުރުމުގެ ހިދުމަތުގެ އިތުރުން އައިޑީކާޑު ވެސް އެ އޮފީހުން މިއަދުން ފެށިގެން ލިބޭނެ ކަމަށެވެ.

މި ރަސްމިއްޔާތުގައި ކޮންޓްރޯލާ ޖެނެރަލް އޮފް އިމިގްރޭޝަން ކޮމިޝަނާ އޮފް ޕޮލިސް (ރިޓަޔަޑް) އަހުމަދު ފަސީހްވެސް ބައިވެރިވެ ވަޑައިގެންނެވި އެވެ.

އޭދަފުށީގައި ޕާސްޕޯޓް ދޫކުރުމުގެ ހިދުމަތް ފަށާފައިވާއިރު މިއަހަރު ނިމުމުގެ ކުރިން ރާއްޖޭގައި ހުރިހާ އަތޮޅެއްގައި ޕާސްޕޯޓް ދޫކުރުމުގެ ހިދުމަތް ފެށުމަކީ ސަރުކާރުގެ ސިޔާސަތުތަކުގެ ތެރޭގައި ހިމެނޭ ކަމެކެވެ.