ނަތަންޔާހޫ ހިތާބު ދިން އިރު، މާލަމުގެ ގިނަ ގޮނޑިތައް ހުރީ ހުސްކޮށް

އިސްމާއިލް ރިޒާ

26 ސެޕްޓެމްބަރ 2025 - 20:45

0 comments

މިހާރު ކުރިއަށް ގެންދާ އދ. ގެ އާންމު މަޖިލިހުގެ ޖަލްސާގައި އިޒްރޭލުގެ ބޮޑުވަޒީރު ބެންޖަމިން ނަތަންޔާހޫ ތަގުރީރު ކުރަން ފެށުމާ އެކު، ފަލަސްތީނުގެ ގާޒާގައި އިޒްރޭލުން ހިންގާ ލާއިންސާނީ ޖަރީމާތަކާ ދެކޮޅުކަން ހާމަކުރުމުގެ ގޮތުން ރާއްޖެ އާއި އެހެން ގިނަ ގައުމުގެ ވަފުދުތައް މާލަން ދޫކޮށް މިއަދު ނުކުމެެއްޖެ އެވެ.

ނަތަންޔާހޫ އ.ދ ގައި ތަގުރީރު ދޭން ފެށުމުން ގިނަ ގައުމުތަކެއްގެ މަންދޫބުން ޖަލްސާ ދޫކޮށް ނުކުތީ އިޒްރޭލުން ފަލަސްތީނުގެ ގާޒާގައި ހިންގަމުންދާ ގަތުލްއާންމާއި ދެކޮޅު ހެދުމުގެ ގޮތުންނެވެ. ނަތަންޔާހޫ ތަގުރީރު ކުރިއަށް ގެންދިޔައިރު ޖަލްސާ ކުރާ މާލަން އޮތީ ގާތްގަނޑަކަށް ހުސްކޮށެވެ.

ފޮރިން މިނިސްޓަރު ޑރ. އަބްދުﷲ ހަލީލު ވިދާޅުވީ ނަތަންޔާހޫ ތަގުރީރު ދޭން ފެށުމާއެކު ރާއްޖޭގެ މަންދޫބުން ވެސް ޖަލްސާ ދޫކޮށް ނިކުތް ކަމަށެވެ. އަދި ރާއްޖެ އަބަދުވެސް އޮންނާނީ ފަލަސްތީނުގެ ރައްޔިތުންނާއެކު ކަމަށް ހަލީލު ވިދާޅުވި އެވެ.

ރާއްޖޭގެ ވަފްދުގެ އިތުރުން، އެހެން ގިނަ ގައުމުތައް ވެސް މާލަމުން ނުކުތް މަންޒަރު ފެނެ އެވެ. ނަތަންޔާހޫ ހިތާބު ދިން އިރު، މާލަމުގެ ގިނަ ގޮނޑިތައް ހުރީ ހުސްކޮށެވެ.

އިޒްރޭލަށް އެންމެ ބޮޑަށް އެމެރިކާ އިން ވަނީ، ފަލަސްތީނުގެ ރައީސް މަހުމޫދު އައްބާސް މި އަހަރުގެ އާންމު މަޖިލީހުގައި ބައިވެރިވެޑައިގެންނެވުމަށް ހުރަސް އަޅައި، އޭނާ އަށް ވިސާ ނުދީ ހިފަހައްޓައިފަ އެވެ.

އދ. ގެ 80 ވަނަ އާންމު މަޖިލީހަށް މަހުމޫދު އައްބާސް ހިތާބު ދެއްވީ ވީޑިއޯ މެދުވެރިކޮށެވެ.