ބޭސް ކުންފުނީގެ ޗެއާމަނަކަށް ހަލީމް އައްޔަންކޮށްފި

އަލީ ރާޒީ

09 ޑިސެމްބަރ 2025 - 22:21

0 comments

އިބްރާހީމް އަބްދުއްރައްޒާގު ހަލީމް - ފޮޓޯ/ރައީސް އޮފީސް

މާލެ ގްރޫޕްސް އޮފް ހޮސްޕިޓަލްގެ ޗީފް އެގްޒެކެޓިވް އޮފިސަރު (ސީއީއޯ)ގެ މަގާމުގައި ހުންނެވި އިބްރާހީމް އަބްދުއްރައްޒާގު ހަލީމް، ސަރުކާރުން ބޭސް އެތެރެކުރުމަށް އުފެއްދި ކުންފުނީގެ ޗެއާޕާސަންގެ މަގާމަށް ވެސް މިއަދު އައްޔަންކޮށްފި އެވެ.

ޕްރައިވަޓައިޒޭޝަން ބޯޑުން ބުނީ "ސްޓޭޓް ފާމަސޫޓިކަލް އެންޑް މެޑިކަލް ސަޕްލައި"ގެ ނަމުގައި އުފައްދާފައިވާ ކުންފުނީގެ ޗެއާމަން ކަމަށް ހަލީމް ހަމަޖައްސާފައިވާ ކަމަށެވެ.

މިދިޔަ ސެޕްޓެމްބަރު 9 ގައި އުފެއްދި އެ ކުންފުނީގެ މެނޭޖިން ޑިރެކްޓަރަކީ އައިޖީއެމްއެޗްގެ ޑެޕިއުޓީ ސީއީއޯއަކަށް ކުރިން ހުންނެވި ޑރ. ޝާހު މާހިރެވެ. ޗެއާމަނާއި އެމްޑީއާއެކު ޑިރެކްޓަރުންގެ ބޯޑުގައި މި ވަގުތު ހަ ބޭފުޅުން އެބަތިއްބެވެ.

ރާއްޖޭން ބޮޑެތި ބަލިތަކުގެ ބޭސް ނުލިބޭ ކަމުގެ ޝަކުވާ ބޮޑުވަމުން ގޮސް، ސަރުކާރުން ބޭސް އެތެރެކުރަން ކުންފުންޏެއް އުފެއްދީ މިދިޔަ ސެޕްޓެމްބަރު މަހުގަ އެވެ. މި ކުންފުންޏަކީ ސަރުކާރުން %100 ހިއްސާވާ ކުންފުންޏެކެވެ.