ދެ އިންތިހާބު އެއްކޮށްލަން އުޅެނީ އިންތިހާބުތައް ގަޑުބަޑުކުރަން: ޝާހިދު

އަލީ ރާޒީ

05 ޖެނުއަރީ 2026 - 14:05

0 comments

ރިޔާސީ އިންތިހާބާއި މަޖިލިސް އިންތިހާބު އެއްކޮށްލަން ސަރުކާރުން އުޅެނީ އިންތިހާބުތައް ގަޑުބަޑުކުރަން ކަމަށް އިދިކޮޅު އެމްޑީޕީގެ ރައީސް އަބްދުﷲ ޝާހިދު މިއަދު ވިދާޅުވެއްޖެ އެވެ.

ސަރުކާރުގެ ފަރާތުން މިއަދު ވަނީ ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއްކޮށްލުމަށް ގާނޫނުއަސާސީއަށް ގެންނަންޖެހޭ އިސްލާހުތައް ގެނައުމަށް މަޖިލީހުގެ ތަޅުމަށް ބިލެއް ހުށަހަޅާފަ އެވެ.

ޝާހިދު އެކްސް ގައި ކުރެއްވި ޕޯސްޓެއްގައި ވިދާޅުވީ ދެ އިންތިހާބު އެއްކޮށްލަން ސަރުކާރުން މަސައްކަތް ކުރަނީ އިންތިހާބުތައް ގަޑުބަޑުކޮށް، ގާނޫނު އަސާސީން ކަށަވަރުކޮށްދޭ ވޯޓު ދިނުމުގެ ބާރު ނިގުޅައިގަތުމަށް ހީލަތްތެރިކަމާއެކު ރާވާ ނުބައި ރޭވުންތަކެއް ކަމަށެވެ.

"ރިޔާސީ އިންތިހާބާއި މަޖްލިސް އިންތިހާބު އެކުގައި ބޭއްވުމަށް ސަރުކާރުން ހުށަހާޅާފައިވަނީ އިންތިހާބުތައް ގަޑުބަޑު ކުރުމުގެ ނިޔަތުގައި. މިއީ ރައްޔިތުންނަށް ގާނޫނު އަސާސީ ކަށަވަރުކޮށްދޭ އެންމެ ވަރުގަދަ އަސާސީ ބާރު، ވޯޓުގެ ބާރު، ނިގުޅައިގަތުމަށް ހީލަތްތެރިކަމާއިއެކު ރާވާ ނުބައި ރޭވުންތަކެއް،" ޝާހިދު ވިދާޅުވި އެވެ.

ދެ އިންތިހާބު އެއްކޮށްލުމަށް ޝާހިދު ތާއީދު ނުކުރާ ކަމަށް ގަފޫރު ވިދާޅުވިރު، އެ ޕާޓީއަށް ނިސްބަވްތެވަޑައިގެންނަވާ ކުރީގެ ރައީސް މުހައްމަދު ނަޝީދު ވަނީ އެކަމަށްދެ އިންތިހާޞު އެއްކުރަން ތާއީދު ކުރައްވާފަ އެވެ. އަދި އެ ޕާޓީގެ ކުރީގެ ޗެއާޕާސަން ފައްޔާޒު އިސްމާއިލް ވަނީ މަޖިލިސް އިންތިހާބު ދެ ބަޔަކަށް ބަހަލައިގެން ބޭއްވުމަށް ތާއީދު ކުރައްވާފަ އެވެ.