އުރީދޫން އައިޖީއެމްއެޗުގެ ބަލިމީހުންނަށް ރޯދަވީއްލުން ހަދިޔާކޮށްފި

ހުނައިދާ ޔާސިރު

14 މާޗް 2026 - 15:10

0 comments

ބަރަކާތްތެރި ރަމަޟާން މަހާ ގުޅިގެން މުޖުތަމައަށް އޯގާތެރިކަން ފޯރުކޮށްދިނުމުގެ ގޮތުން، އުރީދޫ މޯލްޑިވްސްއިން, އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް) ގައި ތިބި ބަލިމީހުންނާއި، އެހީތެރިންގެ އިތުރުން އެ ހޮސްޕިޓަލުގެ މުވައްޒަފުންނަށް ރޯދަ ވީއްލުން ބަހައިފި އެވެ.

މިއީ އުރީދޫގެ ކޯޕަރޭޓް ސޯޝަލް ރެސްޕޮންސިބިލިޓީ (ސީއެސްއާރު)ގެ ދަށުން ކުރިއަށް ގެންދާ ހަރަކާތްތަކުގެ ތެރެއިން ހަރަކާތެކެވެ. މި މަސައްކަތްތަކުގެ މައިގަނޑު މަގްސަދަކީ މުޖުތަމައަށް އެހީތެރިވުމާއި ދުޅަހެޔޮކަން އިތުރުކުރުމާއި ރާއްޖޭގައި އޯގާތެރިކަމުގެ ސަގާފަތެއް އާލާކުރުމެވެ.

އަދި މިއީ ރަމަޟާން މަހާ ގުޅިފައިވާ އެކުވެރިކަމާއި، ހަމްދަރުދީއާއި، ދީލަތިކަމުގެ ރިވެތި ސިފަތައް ދައްކުވައިދޭ ކަމެއް ކަމަށް ވެސް އެ ކުންފުނިން ފާހަގަކުރި އެވެ.

އުރީދޫން ބުނީ އެ ކުންފުނި ދެމިއޮންނާނީ ހަމައެކަނި ޓެކްނޮލޮޖީ އާއި ހިދުމަތްތަކުގެ އިތުރުން، މުޖުތަމައަށް ފައިދާހުރި ހަރަކާތްތައް މެދުވެރިކޮށް ރައްޔިތުންގެ ދިރިއުޅުން ކުރިއެރުވުމަށް މަސައްކަތްކުރާ ކުންފުންޏެއްގެ ގޮތުގައި ކަމަށެވެ.