ބީއެމްއެލުން ވިލިމާލޭގައި އަޅާ އަގުހެޔޮ 300 ފްލެޓްގެ މަސައްކަތް ފަށައިފި

އަހުމަދު ނަޖީބު

26 މާޗް 2026 - 23:30

0 comments

ބޭންކް އޮފް މޯލްޑިވްސް (ބީއެމްއެލް) ގެ ވިލިމާލޭގެ 300 އެފޯޑަބަލް ހައުސިން މަޝްރޫއުގެ ބިންގާ އަޅައިފި އެވެ.

ރަޝީދު ކާޕެންޓްރީ އެންޑް ކޮންސްޓްރަކްޝަން (އާރުސީސީ)އާ ހަވާލުކޮށްގެން ވިލިމާލޭގައި ތަރައްގީކުރާ 300 ހައުސިން ޔުނިޓުގެ ބިންގާ އަޅައިދެއްވީ:

ހައުސިން މިނިސްޓަރު ޑރ. އަބްދުالله މުއްތޮލިބު
ބީއެމްއެލް އާއި އާރުސީސީގެ އިސްވެރިން ބައިވެރިވެވަޑައިގެންނެވި
ރައީސް މުހައްމަދު މުއިއްޒު ވެސް އެ ރަސްމިއްޔާތުގައި ބައިވެރިވެވަޑައިގެންނެވި

މިރޭ ފެށި މި މަޝްރޫއުގެ ދަށުން 17 ފަންގިފިލާގެ 3 ޓަވަރު ތަރައްގީކުރުމަށް ވަނީ ހަމަޖެހިފަ އެވެ. މި މަޝްރޫއުގެ ދަށުން ތަރައްގީކުރަނީ ބޮޑުމިނުގައި 900 އަކަފޫޓު ހިމެނޭ 3 ކޮޓަރީގެ އެޕާޓްމަންޓްތަކެކެވެ.

ބީއެމްއެލްއާ ހަވާލުކޮށްފައިވާ އެ މަޝްރޫއުގެ ދަށުން ވިލިމާލެ އާއި ހުޅުމާލެ 1 އަދި 3 ގައި 3،260 ފްލެޓު އިމާރާތްކުރާނެ އެވެ. އޭގެ ތެރެއިން ޗައިނާ މެޝިނަރީ އިންޖީނިއަރިން ކޯޕަރޭޝަން (ސީއެމްއީސީ) އާ ހަވާލުކުރި 1،224 ހައުސިން ޔުނިޓްގެ ބިންގާ ވަނީ މިދިޔަ ހޮނިހިރު ދުވަހުގެ ރޭ އަޅައި އެ މަޝްރޫއު ފަށާފައި ކަމަށް ޝަރީފް ވިދާޅުވެ އެވެ.

އެ މަޝްރޫއުގައި ދެން ހިމެނޭ 1،190 ފްލެޓު ހަވާލުކޮށްފައި ވަނީ ޗައިނާގެ ބެއިޖިން އާބަން ކޮންސްޓްރަކްޝަން ގްރޫޕް (ބީޔޫސީޖީ)އާ އެވެ. އަދި 364 ފްލެޓު އެޅުމަށް އަމީން ކޮންސްޓްރަކްޝަނާ ހަވާލުކޮށްފައިވާއިރު 182 ފްލެޓު ހަވާލުކުރީ އެފްޑަބްލިޔު ކޮންސްޓްރަކްޝަނާ އެވެ.

ހެޔޮ އަގެއްގައި ހައުސިން ޔުނިޓު ދިނުމަށް، ހައުސިން މިނިސްޓްރީގެ އެހީތެރިކަމާ އެކު، ބީއެމްއެލް އިން ނިންމާފައިވަނީ ހައުސިން ޔުނިޓްތައް ހަދައި، ލީސް-ޓު-އޯން (ކުލި ދައްކައި ހަލާސް ކުރުމުން މިލްކުވުން) މޮޑެލްގެ ދަށުން އާންމުންނަށް ހުޅުވައިލުމަށެވެ.

އެ ހުރިހާ ފްލެޓުތަކެއްގެ މަސައްކަތް ހަވާލުކުރީ 2028 ގެ މެދުތެރެއަށް ނިންމާ ގޮތަށެވެ.