ހައްޖަށް ދާ މީހުން ވެކްސިން ފުރިހަމަ ކުރަން އެދިއްޖެ

އިބްރާހިމް އިމާދު

15 އޭޕްރީލް 2026 - 14:18

0 comments

މި އަހަރުގެ ޙައްޖުގެ އަޅުކަން އަދާކުރަން ދާ މީހުން ވީހާ ވެސް އަވަހަކަށް ވެކްސިން ފުރިހަމަ ކުރުމަށް މޯލްޑިވްސް ޙައްޖު ކޯޕަރޭޝަނުން އިލްތިމާސްކޮށްފި އެވެ.

ހައްޖު ކޯޕަރޭޝަންގެ މެނޭޖިން ޑިރެކްޓަރު މުޙައްމަދު ޝަކީލް ވިދާޅުވީ ވެކްސިން ޖެހުމަށް ހުޅުވާލި ފުރުސަތުގައި އަދިވެސް 60 މީހަކު ވެކްސިން ފުރިހަމަ ނުކުރާ ކަމަށެވެ.

"އަޅުގަނޑުމެން އެދެނީ ހައްޖަށް ދާ ބޭފުޅުން ވީހާވެސް އަވަހަށް ވެކްސިން ފުރިހަމަ ކުރުން. ވެކްސިން ނުޖަހާ ހުރިނަމަ ސައުދީއަށް އެތެރެ ނުވެވޭނެ،" ޝަކީލް ވިދާޅުވި އެވެ.

މި އަހަރު ރާއްޖެއިން ހައްޖަށް ދާ ފުރަތަމަ ގްރޫޕް ފުރުމަށް ހަމަޖެހިފައި ވަނީ އަންނަ މަހުގެ 15 ގަ އެވެ. ހައްޖުވެރިން ފުރަން ތާވަލުކޮށްފައި އޮތީ ހަތަރު ދުވަސް މަތިންނެވެ.