ރާއްޖޭގެ އަންހެން ގައުމީ ފުޓްބޯޅަ ޓީމުގެ ކޯޗަކަށް ސޮބާ

ހުސެން ރަޝީދު

30 އޭޕްރީލް 2026 - 12:15

0 comments

އަންނަ މަހު ފަށަން ތާވަލުކޮށްފައިވާ ސާފް ވިމެންސް ޗެމްޕިއަންޝިޕްގައި ރާއްޖޭގެ އަންހެން ގައުމީ ފުޓްބޯޅަ ޓީމުގެ ކޯޗަކަށް ހަމަޖައްސާފައިވަނީ، ސޮބާހު މުހައްމަދު (ސޮބާ) ކަމަށް ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ބުނެފި އެވެ.

ސާފްގެ އަންހެން ފުޓުބޯޅަ މުބާރާތް ބާއްވަން ހަމަޖެހިފައި ވަނީ ގޯއާގެ އެވެ. އެ މުބާރާތުގެ މެޗުތައް ކުރިއަށް ކުޅޭނީ ފަޓޯޑާ ސްޓޭޑިއަމްގައެވެ.

މުބާރާތް ކުރިއަށް ދާނީ އަންނަ މަހުގެ 25 އިން ޖޫން 5 އަށެވެ.

ސޮބާ އަކީ ރާއްޖޭގެ ފުޓްބޯޅައިގައި ގިނަ ޓީމުތަކެއްގައި މަސައްކަތްކޮށްފައިވާ ކޯޗެކެވެ. އެ ގޮތުން، ނިއު ރޭޑިއަންޓް ސްޕޯޓްސް ކްލަބާއި ކްލަބް ގްރީން ސްޓްރީޓްސް އާއި ކްލަބް ވެލެންސިއާގެ އިތުރުން 23 އަހަރުން ދަށުގެ ގައުމީ ޓީމުގެ ކޯޗިން ޓީމުގައި ވެސް ސޮބާ ވަނީ މަސައްކަތްކޮށްފަ އެވެ.