ދެކުނު އެފްރިކާ ބަލިކޮށް މެކްސިކޯ އިން މޮޅަކުން ވޯލްޑް ކަޕް ފަށައިފި

ހުސެން ރަޝީދު

12 ޖޫން 2026 - 11:57

0 comments

މި މެޗުގައި މެކްސިކޯގެ ފުރަތަަމަ ލަނޑު ޖެހި ކުއިނޯނޭސް ލަނޑު ޖެހުމަށް ފަހު އުފާފާޅުކުރަނީ

3 ރަތް ކާޑު ފެނިގެންދިޔަ ފީފާ ވޯލްޑް ކަޕް 2026 ގެ ފުރަތަމަ މެޗު މެކްސިކޯ ކާމިޔާބުކޮށްފިއެވެ. ސައުތު އެފްރިކާ އާއި ބައްދަލުކުރި މިމެޗު މެކްސިކޯ ކާމިޔާބުކުރީ 2-0 އިންނެވެ.

މަޝްހޫރު އެސްޓާޑިއޯ އަޒްޓެކާ ސްޓޭޑިއަމްގައި ކުޅުނު މި މެޗުގައި މެކްސިކޯގެ ފުރަތަމަ ލަނޑު މެޗުގެ 8 ވަނަ މިނެޓުގައި ކާމިޔާބުކޮށްދިނީ ހޫލިއަން ކީނިއޯނެސް އެވެ. އަދި މެކްސިކޯގެ ލީޑު ފުޅާކޮށް، މެޗުން މޮޅުވި ލަނޑު 66 ވަނަ މިނެޓުގައި ބޮލުން ޖަހައިގެން ކާމިޔާބުކޮށްދިނީ ރައުލް ހިމެނޭޒް އެވެ. ސެންޓިއާގޯ ހިމެނޭޒް އަކީ މިހާރު މެކްސިކޯއިން އުފެދެމުން އަންނަ އެންމެ އުއްމީދީ އަދި ނުރައްކާތެރި އެއް ފޯވާޑެވެ.

ދެކުނު އެފްރިކާގެ ދެ ކުޅުންތެރިއަކަށާއި މެކްސިކޯގެ ސެސާ މޮންޓެސްއަށް ރަތް ކާޑު ދެއްކުމާ ގުޅިގެން، މެޗު ނިމުނުއިރު ދަނޑުމަތިން ފެނުނީ ވަރަށް ފޯރިގަދަ އަދި ހޫނުގަދަ ކުރިމަތިލުމެކެވެ.

މިއީ، 2006 ވަނަ އަހަރުގެ ވޯލްޑް ކަޕްގެ ގަދަ 16 ބުރުގައި، ނެދަލެންޑްސް އާއި ޕޯޗުގަލް ކުޅުނު މެޗަށް ފަހު އެއް މެޗެއްގައި އެންމެ ގިނަ ރަތް ކާޑު ފެނިގެންދިޔަ މެޗެވެ.

މީގެ ކުރިން ދެ ފަހަރު ވޯލްޑް ކަޕް ހޯސްޓްކޮށްފައިވާ މެކްސިކޯގެ އަޒްޓެކާ ސްޓޭޑިއަމްގައި ކުޅުނު މި މެޗު ބެލުމަށް 80،000 އަށް ވުރެ ގިނަ ސަޕޯޓަރުން ވަނީ ދަނޑަށް ވަދެފަ އެވެ.