ހުސައިން އަބްދުއްރަޙްމާން ނިޔާވުމުން ރައީސްގެ ތައުޒިޔާ

އިސްމާއިލް ރިޒާ

18 ޖޫން 2026 - 15:12

0 comments

ޤައުމީ ދިފާޢީ ބާރުގައި މަސައްކަތްކުރައްވާ ސާޖަންޓް ފަސްޓް ކްލާސް ހުސައިން އަބްދުއްރަހުމާން ނިޔާވުމާ ގުޅިގެން ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާ ޑރ. މުޙައްމަދު މުޢިއްޒު އޭނާގެ ޢައިލާއަށާއި ސިފައިންނަށް ތަޢުޒިޔާ ވިދާޅުވެއްޖެ އެވެ.

މި ހިތާމަވެރި ހަބަރާ ގުޅިގެން ރައީސް ކުރެއްވި ޕޯސްޓެއްގައި ވިދާޅުވީ، ހުސައިން އަބްދުއްރަހުމާނު މިއަދުގެ ވަގުތެއްގައި ނިޔާވި ހަބަރު އެޑުއެއްސެވީ ފުން ހިތާމައާއެކު ކަމަށެވެ. އަދި މަރުހޫމުގެ އާއިލާއަށް ކެތްތެރިކަން ދެއްވުމަށް އެދި ދުއާ ކުރައްވައި، އާއިލާއަށާއި މުޅި ފުލުހުންގެ މުއައްސަސާއަށް ރައީސް ވަނީ ތައުޒިޔާ ރައްދުކުރައްވާފަ އެވެ.

ރައީސްގެ މެސެޖުގައި އިތުރަށް ވިދާޅުވީ މާތްﷲގެ ތަނަވަސް ރަހުމަތާއި ސުވަރުގޭގެ ދާއިމީ ނިއުމަތް މަރުހޫމަށް މިންވަރު ކުރެއްވުމަށް އެދިވަޑައިގަންނަވާ ކަމަށެވެ.

އޭނާއަކީ ގައުމީ ދިފާއީ ބާރުގައި 21 އަހަރާއި 7 މަހާއި 16 ދުވަހު އިޚްލާސްތެރިކަމާއެކު ހިދުމަތްކުރައްވާފައިވާ ބޭކަލެއްކަން ރައީސް ވަނީ ފާހަގަކުރައްވާފަ އެވެ.

ކުއްލި ގޮތަކަށް އަބްދުއްރަހުމާން ނިޔާވި ސަބަބެއް އަދި ނޭނގެ އެވެ.