އެމްޑީޕީގެ އަހަރީ ދުވަސް ފާހަގަ ކުރަން ދިދަ ނަގައިފި

އިސްމާއިލް ރިޒާ

26 ޖޫން 2026 - 11:34

0 comments

އިދިކޮޅު އެމްޑީޕީގެ 21 ވަނަ އަހަރީ ދުވަސް ފާހަގަކުރުމަށް ދިދަ ނެގުމުގެ ހާއްސަ ރަސްމިއްޔާތެއް ބާއްވައިފި އެވެ.

މާލޭގައި މި ހަރަކާތް ކުރިއަށް ގެންގޮސްފައި ވަނީ ޗާންދަނީ މަގުގައި ހުންނަ އެ ޕާޓީގެ ދަނޑިކޮށި ހަރުގޭގަ އެވެ. އެ ރަސްމިއްޔާތުގައި އެމްޑީޕީގެ އިސްވެރިންނާއި އެ ޕާޓީގެ މަޖިލީހުގެ މެންބަރުންނާއި ގައުމީ މަޖިލީހުގެ މެންބަރުން ވެސް ބައިވެރިވި އެވެ.

އެ ރަސްމިއްޔާތުގައި އަހަރީ ދުވަހުގެ ކޭކެއް ވެސް ފަޅާފައިވެ އެވެ.

ރާއްޖޭގައި ރަޖިސްޓްރީ ކުރެވުނު ފުރަތަމަ ސިޔާސީ ޕާޓީގެ ގޮތުގައި އެ ޕާޓީ ރަޖިސްޓަރީ ކުރީ ޖޫން 26، 2005 ގައެވެ.

އެމްޑީޕީގެ 21 އަހަރުގައި އެ ޕާޓީން ވަނީ ދެ ފަހަރަށް ސަރުކާރަކާ ހަވާލުވެ ވެރިކަންކޮށްފަ އެވެ.

އެމްޑީޕީން އެންމެފަހުން ބޭއްވި އެ ޕާޓީގެ ޗެއާޕާސަން އިންތިހާބުގައި 48،000 އަށްވުރެ ގިނަ މީހުންނަށް ވޯޓުލުމުގެ ހައްގު ލިބުނެވެ.