އެމްޑީޕީގެ ރިޔާސީ ޕްރައިމަރީގައި ޝަމްހީދު ވާދަކުރައްވަނީ

އަބްދުﷲ މައުރޫފް

15 ސެޕްޓެމްބަރ 2026 - 14:26

0 comments

އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން، ހުޅުމާލެ ދެކުނު ދާއިރާގެ މެމްބަރު ޑރ. އަހުމަދު ޝަމްހީދު މިއަދު ރަސްމީކޮށް އިއުލާންކުރައްވައިފި އެވެ.

އެމްޑީޕީގެ ރިޔާސީ ޓިކެޓަށް ޝައުގުވެރިކަން އޮތް ބޭފުޅުންގެ ތެރޭގައި މީގެ ކުރިން ވެސް ހިމެނިފައިވާ ޝަމްހީދު، އެ ޕާޓީގެ ޕްރައިމަރީގައި ވާދަ ކުރައްވާނެކަން އިއުލާން ކުރެއްވީ މިއަދު އޮންލައިން ނޫސް، 'އަވަސް'އަށް ދެއްވި ހާއްސަ އިންޓަވިއެއްގަ އެވެ.

އެ ނޫހުން މިއަދު ޝާއިއުކުރި އެ އިންޓަވިއުއަކީ، މަޝްހޫރު ޕްރްޒެންޓަރު މޫސާ ވަސީމް ހުށަހަޅުއްވައި ދެއްވަން ފެށި 'ޝަމްހީދުއާ އެކު' ސިލްސިލާ އިންޓަވިއުތަކުގެ ފުރަތަ އެޕިސޯޑެވެ.

މި އެޕިސޯޑުގައި މޫސާ ވަސީމް ކުރެއްވި ފުރަތަމަ ސުވާލަކީ، ޝަމްހީދު އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާނަންތޯ އެވެ.

"ﷲ އިރާދަކުރެއްވިއްޔާ އަޅުގަނޑު އެމްޑީޕީގެ ކުރިއަށް މި އޮތް ރިޔާސީ ޕްރައިމަރީގައި ވާދަކުރާނަން،" އެ ސުވާލަށް ޖަވާބު ދެއްވަމުން ޝަމްހީދު ވިދާޅުވި އެވެ.

ޝަމްހީދު ވިދާޅުވީ ރައްޔިތުންނަށް ރަނގަޅު ގޮތްތަކެއް އޮތްކަމުގެ ޔަގީން މެސެޖާ އެކު ރިޔާސީ ޕްރައިމަރީ ކާމިޔާބުވާނެ ކަމުގެ ޔަގީންކަން އެބައޮތް ކަމަށެވެ.

"ޝަމްހީދާއި އެކު" ޕޮޑްކާސްޓްގެ ފުރަތަމަ އެޕިސޯޑު އަވަސް އޮންލައިނުން ބުރާސްފަތި ދުވަހު ގެނެސް ދިނުމަށް ވަނީ ހަމަޖެހިފަ އެވެ.