އެމްޑީޕީގެ ފަރާތުން ވާދަކުރަން އެންމެ ގާބިލު ކެންޑިޑޭޓަކީ ޝާހިދު: ޕޯލް

އަބްދުﷲ މައުރޫފް

29 ސެޕްޓެމްބަރ 2026 - 10:32

0 comments

ކުރީގެ ރައީސް ސޯލިހާއި (ކ) ކުރީގެ ރައީސް ނަޝީދު އަދި ކުރީގެ ފޮރިން މިނިސްޓަރު ޝާހިދު - ފޮޓޯ:މިހާރު

ކުރިއަށް އޮތް ރިޔާސީ އިންތިހާބުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ފަރާތުން ވާދަކުރަން އެންމެ ގާބިލު ކެންޑިޑޭޓަކީ އެ ޕާޓީގެ ކުރީގެ ރައީސް އަބްދުﷲ ޝާހިދު ކަމަށް ޕޯލަކުން ދައްކައިފި އެވެ.

"ސަން އޮންލައިން" އިން ކުރިއަށްގެންދިޔަ ޕޯލް، ގައި ކުރި ސުވާލަކީ ކުރިއަށް އޮތް ރިޔާސީ އިންތިހާބުގައި މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ގެ ފަރާތުން ވާދަކުރަން އެންމެ ގާބިލު ކެންޑިޑޭޓަކީ ކޮބައިތޯ އެވެ.

މިދިޔަ ހޯމަ ދުވަހުން ފެށިގެން ރޭ 23:59 ގެ ނިޔަލަށް ކުރިއަށް ގެންދިޔަ މި ޕޯލްގެ ނަތީޖާ ދައްކާ ގޮތުން، ވޯޓުލީ މީހުންގެ ތެރެއިން އެންމެ ބޮޑު ތާއީދެއް ލިބިވަޑައިގަތީ ޝާހިދަށެވެ.

ޕޯލްގެ ނަތީޖާ:

1 ވަނަ އަބްދުﷲ ޝާހިދު - 58.3 އިންސައްތަ
2 ވަނަ އިބްރާހީމް މުހައްމަދު ސާލިހް - 16 އިންސައްތަ
3 މުހައްމަދު ނަޝީދު - 13.9 އިންސައްތަ
4 އަހުމަދު ޝަމްހީދު - 6.7 އިންސައްތަ
5 ފައްޔާޒް އިސްމާއީލް - 4.9 އިންސައްތަ
6 ފައިސަލް ނަސީމް - 0.3 އިންސައްތަ

އެމްޑީޕީގެ ރިޔާސީ ޕްރައިމަރީގައި ވާދަ ކުރައްވާނެކަން ރަސްމީކޮށް މިހާތަނަށް އިއުލާން ކުރެއްވީ، ކުރީގެ އިކޮނޮމިކް މިނިސްޓަރު ފައްޔާޒު އިސްމާއިލް އެވެ. ނަމަވެސް ފައްޔާޒު އަދި ރަސްމީކޮށް ކެމްޕެއިން ކުރައްވާކަށް ނުފައްޓަވަ އެވެ.

ޝާހިދާއި ފައްޔާޒުގެ އިތުރުން އަދިވެސް އެހެން ބައެއް ބޭފުޅުން އެމްޑީޕީގެ ރިޔާސީ ޓިކެޓަށް ޝައުގުވެރިކަން އެބަ އޮތެވެ. ނަމަވެސް އެ ބޭފުޅުން އަދި އެކަން ފާޅުގައި ހާމައެއްނުކުރައްވަ އެވެ.