ސަރުކާރުގެ ސިޔާސަތުތަކުން ފަތުރުވެރިކަން ދަނީ ފުން އަނދަވަޅަކަށް ވެއްޓެމުން: ޝާހިދު

ހުނައިދާ ޔާސިރު

17 ސެޕްޓެމްބަރ 2026 - 20:39

0 comments

ސަރުކާރުން ފަތުރުވެރިކަމުގެ ސިޔާސަތުތަކަށް ގެންނަމުންދާ "ދެއުޅިއެއްނުވާ ދޯހަޅި" ބަދަލުތަކުގެ ސަބަބުން ދިވެހިރާއްޖޭގެ ފަތުރުވެރިކަމުގެ އިންޑަސްޓްރީ ފުން އަނދަވަޅަކަށް ވެއްޓުމުގެ މަގުމަތީގައިވާ ކަމަށް ވިދާޅުވެ ސިނާއަތުގެ ބައިވެރިންނާއެކު ވަގުތުން މަޝްވަރާ ފެއްޓެވުމަށް ކުރީގެ ފޮރިން މިނިސްޓަރު އަބްދުالله ޝާހިދު ސަރުކާރަށް ގޮވާލައްވައިފި އެވެ.

ޝާހިދު މިހެން ވިދާޅުވީ ބޭރުގެ ޓުއާ އޮޕަރޭޓަރުންނާއި ބޭރުގެ ބުކިން ޕްލެޓްފޯމުތަކުން ދޭ ޚިދުމަތްތަކުން ޖީއެސްޓީ ނަގަން ރައްޔިތުންގެ މަޖިލީހުން ފާސްކުރުމާ ގުޅިގެން، ބޭރުގެ ޓުއާ އޮޕަރޭޓަރުން އެކަމާ ގުޅިގެން ކަންބޮޑުވުން ފާޅުކުރުމާ ގުޅިގެންނެވެ.

އެކްސް ޕޯސްޓުގައި ޝާހިދު ވަނީ ސަރުކާރުން "ގޮތްދޫނުކުރުމުގެ ސިޔާސަތު" ދޫކޮށް ފަތުރުވެރިކަމުގެ ސިނާއަތުގެ ބައިވެރިންނާ ބައްދަލުކޮށް، އެ ބޭފުޅުންގެ އަޑު އެހުމށް ގޮވާލައްވާފަ އެވެ. އަދި ރާއްޖޭގެ ފަތުރުވެރިކަން ސަލާމަތްކުރުމުގެ މަސައްކަތް މިހިނދުން މިހިނދަށް ފެއްޓެވުމަށްވެސް ޝާހިދު އެދިވަޑައިގެންފައިވެ އެވެ.

"ސަރުކާރުން ތިޔަ ގެންގުޅުއްވާ ގޮތްދޫނުކުރުމުގެ ސިޔާސަތު ދޫކޮށް ފަތުރުވެރިކަމުގެ ސިނާއަތުގެ ބައިވެރިންނާއެކު މަޝްވަރާއަށް ވަޑައިގެން އެބޭފުޅުންގެ އަޑުއައްސަވާ، ދިވެހިރާއްޖޭގެ ފަތުރުވެރިކަން ސަލާމަތްކުރުމުގެ މަސައްކަތް މިހިނދުން މިހިނދަށް ފެއްޓެވުމަށް އަނެއްކާވެސް ގޮވާލަން،" ޝާހިދުގެ އެކްސް ޕޯސްޓުގައި ވިދާޅުވެފައިވެ އެވެ.

ޝާހިދު ވަނީ ސަރުކާރުން "ގޮތްދޫނުކުރުމުގެ ސިޔާސަތު" ދޫކޮށް ފަތުރުވެރިކަމުގެ ސިނާއަތުގެ ބައިވެރިންނާ ބައްދަލުކޮށް، އެ ބޭފުޅުންގެ އަޑު އެހުމށް ގޮވާލައްވާފަ އެވެ. އަދި ރާއްޖޭގެ ފަތުރުވެރިކަން ސަލާމަތްކުރުމުގެ މަސައްކަތް މިހިނދުން މިހިނދަށް ފެއްޓެވުމަށްވެސް ޝާހިދު އެދިވަޑައިގެންފައިވެ އެވެ.

ބޭރުގެ ޓުއާ އޮޕަރޭޓަަރުންނާއި ބުކިން ޕްލެޓްފޯމްތަކުން ޓެކްސް ނަގަން ފެށުމާ މެދު މޯލްޑިވްސް އެސޯސިއޭޝަން ފޯ ޓްރެވެލް އެޖެންޓްސް އެންޑް ޓުއާ އޮޕަރޭޓާސް (މަޓާޓޯ) އިން ވަނީ މީގެކުރިން ކަންބޮޑުވުން ފާޅުކޮށްފަ އެވެ.