6.5 މިލިއަން ރުފިޔާ ނުދައްކައިގެން އެފްއޭއެމްއިން ކަރަންޓް ކަނޑާލައިފި

އަލީ ރާޒީ

23 އޮކްޓޫބަރ 2022 - 19:37

0 comments

އެފްއޭއެމްގެ ރައީސް ބައްސާމް

ސްޓެލްކޯއަށް ދައްކަން ޖެހޭ 6.5 މިލިއަން ރުފިޔާ ނުދައްކައިގެން ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން ކަރަންޓް ކަނޑާލައިފިއެވެ.

ސްޓެލްކޯ އިން މިއަދު ބުނީ ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް) އިން އެ ކުންފުންޏަށް ދައްކަންޖެހޭ 6.5 މިލިއަން ރުފިޔާ ނުދައްކާ އެބައޮތް ކަމަށެވެ.

ފައިސާ ދެެއްކުމަށް އެކި ފަހަރުމަތިން އަންގާ، ފައިސާ ދެއްކޭނެ ގޮތުގެ ޕްލޭނެއް ހުށަހެޅުމަށް ގިނަ ފުރުސަތުތަކެއް ދިނުމުންވެސް ފައިސާ ދައްކާފައި ނުވާ ކަމަށް ސްޓެލްކޯ އިން ބުނެ އެވެ.

"އެފްއޭއެމް ހައުސްއިން ވަނީ ކަރަންޓުގެ ހިދުމަތް މެދުކަނޑާލާފައި." ސްޓެލްކޯ އިން ބުނެފައިވެ އެވެ.

ސްޓެލްކޯގެ ޓުވިޓުގައި ބުނެފައިވަނީ އެ ފައިސާ އެ އިދާރާއިން ނުދައްކާނަމަ، އެއިދާރާގެ އެހެން އިމާރާތްތަކުން ވެސް ކަރަންޓުގެ ހިދުމަތް މެދުކަނޑާލުމަށް ވިސްނަމުންދާ ކަމަށެވެ.

ކަރަންޓުގެ ހިދުމަތް ކެނޑުމާއި ގުޅިގެން މިހާތަނަށް އެފްއޭއެމުން ވަކި އެއްޗެއް ހާމަކޮށްފައެއް ނުވެއެވެ.

އެފްއޭއެމްއަށް މާލީ ގޮތުން ވަރަށް ބޮޑެތި ދަތިތަކެއް ވަނީ ކުރިމަތިވެފަ އެވެ. ގައުމީ ޓީމުގެ އޮފިޝަލުންނަށް މުސާރަ ނުދޭތާ ވެސް އެތައް މަހެއް ވެއްޖެ އެވެ. އެފްއޭއެމްގެ މުވައްޒަފުންގެ މަހު މުސާރަ ދޭން ވެސް ދޭތެރެ ދޭތެރެއިން ހުރަސްތައް ދިމާވެ އެވެ.