ގުރައިދޫ ދާއިރާގެ ބައި-އިލެކްޝަން: ވޯޓު ގުނުން ރޯދަ ވީއްލައިގެން

އަލީ ރާޒީ

15 އޭޕްރީލް 2023 - 17:39

0 comments

ވޯޓުލުން ހުއްޓާލި ވަގުތު މާލޭގައި ހުރި އިންތިހާބީ މަރުކަޒު ކައިރި ހަލަބޮލިވި އެވެ. އެއީ މޫސުން ގޯސްވެގެން ކަމަށް ބުނެ ވޯޓުލާ ގަޑި އިލެކްޝަންސް ކޮމިޝަނުން އިތުރު އެއް ގަޑިއިރަށް ދަންމާލުމުން އެކަމާ އިދިކޮޅު ޕީޕީއެމުން ހިތްހަމަނުޖެހިގެނެވެ.

މިއަދުގެ އިންތިހާބުގައި ވާދަ ކުރެއްވީ ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީގެ އިބްރާހިމް ޝާޒް އާއި އިދިކޮޅު ޕްރޮގްރެސިވް ޕާޓީ އޮފް މޯލްޑިވްސްގެ ހުސެއިން ރިޒާ އާދަމް އާއި މޯލްޑިވްސް ނެޝަނަލް ޕާޓީގެ އަލީ އަރީފެވެ.

ކުރިން ވޯޓުލުން ނިންމާލަން އޮތީ ހަވީރު 4:00 ޖަހާއިރަށެވެ. ނަމަވެސް ވާރޭ ވެހުމުން އިލެކްޝަންސް ކޮމިޝަނުން ވަގުތު އިތުރު ކުރީ އެވެ. ވޯޓު ގުނަން ހަމަޖެހިފައި އޮތީ ރޯދަ ވީއްލައި ނިމިގެނެވެ.

އެ އިންތިހާބުގައި 3423 މީހުންނަށް ވޯޓުލުމުގެ ހައްގު ލިބުނެވެ. އެއީ ގުރައިދޫއިން 1394 މީހުންނާއި މާފުށިން 1366 މީހުންނާއި ގުޅިން 663 މީހުންނެވެ.

މި އިންތިޚާބުގެ ވޯޓުލުން ކުރިއަށްދަނީ ގުރައިދޫ ދާއިރާގައި ހިމެނޭ 3 ރަށްކަމަށްވާ ގުރައިދޫ، މާފުށި، ގުޅީގެ އިތުރުން މާލެ ސިޓީގައެވެ.

މިއަދު ކުރިއަށްދާ ބައި އިލެކްޝަންގައި މައްސަލަތަކެއް ދިމާވެ، ނުވަތަ ހަމަނުޖެހުމެއް ހިންގުމުގެ އެއްވެސް ކަމެއް ހިނގާފައެއް ނުވެއެވެ. ވޯޓްލުން ކުރިއަށްދާ 4 ސަރަހައްދުގައިވެސް ވޯޓްލުން ކުރިއަށްދަނީ އަމާންކޮށެވެ.

ރައްޔިތުންގެ މަޖިލީހުގެ ގުރައިދޫ ދާއިރާގެ ގޮނޑި ހުސްވީ މިދިޔަ ފެބްރުއަރީ 22 ވަނަ ދުވަހުގެ ރޭ އެ ދާއިރާގެ މެންބަރު އިބްރާހީމް ރިޒާ އަވަހާރަވުމުންނެވެ.