އެސްޓީއޯގެ ދަށުން ހިންގާ 3 ކުންފުންޏަކަށް އިސް ބޭފުޅުން އައްޔަންކޮށްފި

އައިމިނަތު ޝިޔާޒާ

01 ޑިސެމްބަރ 2023 - 16:14

0 comments

މިފްކޯ އާއި މޯލްޑިވް ގޭސް އަދި އެފްއެސްއެމް އަށް އަލަށް އައްޔަން ކުރެއްވި ބޭފުޅުން

ސްޓޭޓް ޓްރޭޑިން އޯގަނައިޒޭޝް (އެސްޓީއޯ)ގެ ދަށުން ހިންގާ ތިން ކުންފުންޔަކަށް މެނޭޖިން ޑައިރެކްޓަރުން އައްޔަންކޮށްފި އެވެ.

އެސްޓީއޯއިން ހާމަކޮށްފައިވާ ގޮތުގައި އެ ކުންފުނީގެ ސަބްސިޑަރީ ކުންފުނިތައް ކަމަށްވާ ފިއުލް ސަޕްލައި މޯލްޑިވްސް (އެފްއެސްއެމް) އާއި މިފްކޯ އަދި މޯލްޑިވް ގޭސް އަށް ވަނީ އިސް ބޭފުޅުން އައްޔަން ކޮށްފައެވެ.

މިފްކޯގެ އެމްޑީއަކަށް އަހުމަދު ޝަމާހް ރަޝީދު އައްޔަންކުރި އިރު، އެފްއެސްއެމްގެ އެމްޑީއަކަށް އައްޔަންކުރީ އިސްމާއީލް ސުހައިލެވެ. އަދި މޯލްޑިވްސް ގޭސްގެ އެމްޑީއަކަށް ހަމަޖެއްސީ އަބްދުﷲ މުހައްމަދު މަދަނީ (އަބްދުﷲ) އެވެ.

އެސްޓީއޯ އިން ވަނީ ތިން ކުންފުނީގެ އާ ވެރިންނަށް މަރުހަބާ ކިޔައި، އެންމެ ފަހުން ތިން ކުންފުނީގައި އެމްޑީކަން ކުރެއްވި ބޭފުޅުންނަށް ޝުކުރު ވެސް އަދާކޮށްފަ އެވެ.

އެސްޓީއޯ ކުޑައިގެ ދަށުން އެފްއެސްއެމް އާއި މޯލްޑިވް ގޭސް އަދި މިފްކޯގެ އިތުރުން އެލައިޑް އިންޝުއަރެންސާއި މޯލްޑިވްސް ސްޓޭޓް ޝިޕިންގ (އެމްއެސްއެސް) ވެސް ހިންގައެވެ. އެ ދެ ކުންފުނީގެ ހިންގުމަށް އަދި ބަދަލެއް ގެނެސްފައި ނުވެއެވެ.