ސިވިލް ސާވިސް ކޮމިޝަން މެންބަރުކަމަށް ތިން މީހެއްގެ ނަން ރައީސް ފޮނުއްވައިފި

އަލީ ރާޒީ

07 ފެބުރުއަރީ 2024 - 12:27

0 comments

ސިވިލް ސާވިސް ކޮމިޝަނުގެ ބައްދަލުވުމެއްގެ ތެރެއިން: މިހާރު ކޮމިޝަނުގައި ތިބީ ހަތަރު މެމްބަރުން

ސިވިލް ސާވިސް ކޮމިޝަން (ސީއެސްސީ) ގެ މެންބަރެއްގެ މަގާމު ހުސްވެފައިވާތީ އެ މަގާމަށް އައްޔަން ކުރުމަށް ތިން މީހެއްގެ ނަން ރައްޔިތުންގެ މަޖިލީހަށް ފޮނުވައިފި އެވެ.

ސީއެސްސީގެ މަގާމެއް ހުސްވީ އެ ކޮމިޝަންގެ މެންބަރަކަށް ހުންނެވި ފާތިމަތު އާމިރާގެ ދައުރު ހަމަވުމާ ގުޅިގެންނެވެ.

އެހެންޗެ މެންބަރު ކަމަށް އައްޔަން ކުރަން މަޖިލީހަށް ފޮނުވި ތިން ނަމަކީ މއ. ފޮރެސްޓް މަރިޔަމް ޝާހިދާ އާއި ދަފުތަރު ނަމްބަރު ރސ-7505 އަބްދުލް ހަސީބް އިސްމާއިލްގެ އިތުރުން ދަފުތަރު ނަމްބަރު ރސ-9475 ފާތިމަތު ހަބީބާގެ ނަމެވެ.

މި ނަންތައް ދިރާސާކުރުމަށް ވަނީ ކޮމެޓީއަށް ފޮނުވައިފަ އެވެ

ސީއެސްސީގައި ހުސްވެފައިވާ މަގާމަކީ އެ ކޮމިޝަންގެ މެންބަރުކަމުގައި ހުންނެވި ފާތިމަތު އާމިރާގެ ދައުރު ހަމަވުމުން ހުސްވެފައިވާ މަގާމެކެވެ. އޭނާ ސީއެސްސީގެ މެންބަރުކަމުގައި ހުންނެވީ 2 ޑިސެމްބަރު 2018 އިން ފެށިގެން މިދިޔަ އަހަރުގެ ޑިސެމްބަރު 2 ވަނަ ދުވަހުގެ ނިޔަލަށެވެ.

ސީއެސްސީގެ ހުސްވެފައިވާ މެންބަރުކަމުގެ މަގާމަށް ކުރިމަތިލުމަށް ރައީސް އޮފީހުން އިއުލާން ކުރީ ޑިސެމްބަރު މަހުގެ 19 ވަނަ ދުވަހު އެވެ.