ގަލޮޅު ދަނޑުގައި ހުރި އެފްއޭއެމްގެ އޮފީހަށް ވެސް ފުލުހުން ވަދެއްޖެ

އިސްމާއިލް ރިޒާ

26 މެއި 2024 - 12:52

0 comments

އެފްއޭއެމްގެ ކޮރަޕްޝަނާއި މަނީލޯންޑަރިންގެ ތުހުމަތުގެ ތަހުގީގުގައި ގަލޮޅު ދަނޑުގައި ހުންނަ އެފްއޭއެމްގެ އޮފީސް ވެސް ފުލުހުން މިއަދު ރެއިޑްކޮށްފި އެވެ.

ފުލުހުން އެފްއޭއެމްގެ އޮފީހަށް ވަދެފައި މިވަނީ އެ ހިދުމަތުން ތަހުގީގު ކުރަމުންދާ މައްސަލައަކާ ގުޅޭ ހެކި ހޯދުމަށް ކަމަށް ކޯޓު އަމުރުގައި ބުނެފައިވެ އެވެ.

އެފްއޭއެމްގެ އޮފީސް ބަލާ ފާސްކުރަން ފަށާފައިވާއިރު މި މަހުގެ 20 ގައި ކްރިމިނަލް ކޯޓުން ވަނީ އެފްއޭއެމްގެ ރައީސް ބައްސާމް އަދީލް ޖަލީލުގެ ޕާސްޕޯޓު ހިފަހައްޓާފަ އެވެ.

ދައުލަތުން ބައްސާމްގެ މައްޗަށް ކޮށްފައިވަނީ އެފްއޭއެމް އަށް ދުނިޔޭގެ ފުޓުބޯޅަ ފެޑެރޭޝަން (ފީފާ) އިން ފޮނުވާ ފައިސާ ނަހަމަ ގޮތުގައި ބޭނުންކުރާ ކަމުގެ ތުހުމަތުގަ އެވެ.

ބައްސާމްގެ މައްޗަށް އުފުލީ ހިޔާނާތުގެ ދައުވާ އާއި މަނީ ލޯންޑަރިންގެ ދައުވާ އެވެ.