ތޮއްޑޫ ކައުންސިލް އިދާރާއަށް ގާ އުކައި، ފުލުހަކަށް އަނިޔާވެއްޖެ

މަރިޔަމް އަނާ

05 ޖޫން 2024 - 18:23

0 comments

ތޮއްޑޫ ކައުންސިލް އިދާރާގައި މުޒާހަރާކުރަނީ.-

އއ. ތޮއްޑޫގައި ދަނޑުބިން ދޫކުރަން ނިންމި ގޮތަކާ ގުޅޭ ގޮތުން ރައްޔިތުންތަކެއް ހިތްހަމަނުޖެހިގެން މިއަދު ކުރި މުޒާހަރާއެއްގައި ފުލުހަކަށް އަނިޔާވެއްޖެ އެވެ.

ފުލުހުންގެ މީޑިއާ އޮފިޝަލަކު ވިދާޅުވީ ތޮއްޑޫ ކައުންސިލް އިދާރާ ކުރިމަތީގައި މެންދުރު 1:00 ހާއިރު އާއްމު މަސްލަހަތު ނަގާލަން މަސައްކަތްކުރާތީ އެ ސަރަހައްދުގައި ހަރަކާތްތެރިވަމުން އަންނަ ކަމަށެވެ.

އެ ތަނުގައި މުޒާހަރާކުރަމުން ދިޔަ މީހުންގެ ތެރެއިން ކައުންސިލް އިދާރާގެ ފުރާޅު މައްޗަށް ގާ އުކައި އަދި މަސްލަހަތު ގެއްލުވާލަން މަސައްކަތްކުރާތީ އެގޮތަށް އެކަން ނުކުރަން ތަކުރާރުކޮށް ނަސޭހަތްތެރިވެފައިވާ ކަމަށެވެ.

ފުލުހުން ބުނީ އެ ސަރަހައްދު ގައި ހަރަކާތްތެރިވަމުން ދިޔަ ފުލުހަކަށް ވެސް އަނިޔާވެފައިވާ ކަމަށެވެ. ފުލުސް މީހާގެ ބޯ ވަނީ ފަޅައިގެން ގޮސްފަ އެވެ. އެ މީހާއަށް ފަރުވާ ދެމުންދާ ކަމަށް ވެސް ބުންޏެވެ.