ތޮއްޑޫގައި ހިންގި ހަމަނުޖެހުމުގައި 8 މީހަކު ހައްޔަރުކޮށްފި

އަލީ ރާޒީ

10 ޖޫން 2024 - 11:20

0 comments

ތޮއްޑޫ ކައުންސިލް ކައިރިއަށް އެއްވި މީހުން ކައުންސިލްގެ މައި ދޮރުގެ ބިއްލޫރިގަނޑު ތަޅާލާފައި- ދައުރުފޮޓޯ

އއ. ތޮއްޑޫ ރަށު ކައުންސިލު ކުރިމައްޗަށް އެއްވެ މުޒާހަރާކޮށް އެ ކައުންސިލް އިދާރާގެ ފުރާޅަށް ގާ އުކި މައްސަލާގައި އަށް މީހަކު ހައްޔަރުކޮށްފި އެވެ.

ފުލުހުން މިއަދު މީޑިއާތަކަށް ފޮނުވި މެސެޖެއްގައި ބުނީ، ތޮއްޑޫ ކައުންސިލް އިދާރާގެ ފުރާޅަށް ގާ އުކައި ހަމަނުޖެހުން ހިންގި މައްސަލައިގައި އަށް މީހުން ވެސް ހައްޔަރު ކުރީ ކޯޓު އަމުރެއްގެ ދަށުން ކަމަށެވެ. އަދި އެ މައްސަލަ އިތުރަށް ތަހުގީގު ކުރަމުންދާ ކަމަށް ފުލުހުން ބުންޏެވެ.

ތޮއްޑޫގައި މި މަހު ފަހެއްގައި މުޒާހަރާ ކުރީ އެ ރަށުގެ ދަނޑުބިންތައް ދަނޑުވެރިން އަތުން އަތުލަން ނިންމާފައިވާ ކަމަށް ބުނެ އެވެ.

ބުދަ ދުވަހު ހިނގި ހަމަނުޖެހުމުގައި، ކައުންސިލްގެ ފުރާޅުގައި ހަރުކޮށްފައި ހުރި ސޯލާ ޕެނަލްތަކަށް ގެއްލުން ދީ، ރަށު ކައުންސިލް އިދާރާގެ ދޮރު ވެސް ވަނީ ހަލާކުކޮށްލާފަ އެވެ.