ކުޅުދުއްފުށީ ކްލިނިކެއް ފަޅާލައި ވައްކަންކޮށްފި

މަރިޔަމް އަނާ

14 ޖޫން 2024 - 21:00

0 comments

އިލާ އަލީ އާދަމް ކްލިނިކު -- ފޮޓޯ: ކުޅުދުއްފުށި އޮންލައިން

ކުޅުދުއްފުށީގައި ކްލިނިކެެެއް ފަޅާލައި ވައްކަން ކޮށްފި އެވެ. ރޭ ފަތިހު ފަޅާލާފައި ވަނީ އެ ސިޓީގައި ހުންނަ އިލާ އަލީ އާދަމް ކްލިނިކެވެ.

ފުލުހުން މިއަދު ބުނީ، ރޭ ދަންވަރުގެ ވަގުތެއްގައި ކުޅުދުއްފުށި ސިޓީގައި ހުންނަ ކްލިނިކަކުން ވައްކަންކޮށްފައިވާ ކަމުގެ މައުލޫމާތު ލިބިފައިވާ ކަމަށެވެ.

ފުލުހުން ބުނީ ކްލިނިކުން ވައްކަން ކުރި މައްސަލަ ބަލަމުންދާ ކަމަަށެވެ. މީހަކު ހައްޔަރު ނުކުރާ ކަމަަށް ވެސް ބުންޏެވެ. ތިލަދުންމަތީގެ އެންމެ ބޮޑު އާބާދީ އޮންނަ އުތުރުގެ މައި ސިޓީގައި ކުށުގެ ވެށީގައި ގިނަ ބަޔަކު އުޅެ އެވެ. އަދި ވައްކަމާއި މަސްތުވާތަކެތީގެ ގިނަ މައްސަލަތަށް އެ ރަށުން އަބަދުވެސް ރިޕޯޓް ކުރެ އެވެ. އެގޮތުން މިއަދު ވެސް ވަނީ ކުޅުދުއްފުއްޓަށް ޑްރަގް އެތެރެކޮށް ވިއްކާ މީހަކު ވެސް ހައްޔަރު ކޮށްފަ އެވެ.

ފުލުހުން ބުނީ ކުޅުދުއްފުއްޓަށް މަސްތުވާތަކެތި އެތެރެކޮށް ވިޔަފާރި ކުރާ ކަމަށް ތުހުމަތު ކުރެވޭ މައްސަލައެއް އެ ހިދުމަތަށް ރިޕޯޓް ކޮށްފައިވާ ކަމަށެވެ.

މި މައްސަލައާ ގުޅިގެން ތުހުމަތު ކުރެވޭ މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަމަށް ވެސް ބުންޏެވެ. ނަމަވެސް އޭނާގެ އެއްވެސް މައުލޫމާތެއް ނުދެ އެވެ. ބުނީ މައްސަލަ ތަހުގީގު ކުރަމުންދާ ކަމަށެވެ.