އެފްއޭއެމް ހިންގަން ނޯމަލައިޒޭޝަން ކޮމިޓީއަކާ ހަވާލުކުރަން ފީފާއިން ނިންމައިފި

އަލީ ރާޒީ

23 ޖުލައި 2024 - 22:54

0 comments

ރާއްޖޭގެ ފުޓްބޯޅައިގެ މައި އިދާރާ -- އެފްއޭއެމް ހިންގުން ނޮމަލައިޒޭޝަން ކޮމިޓީއަކާ ހަވާލުކުރުމަށް ފީފާ އިން ނިންމައިފި އެވެ.

ފީފާއިން އައްޔަން ކުރާ ނޯމަލަިއޒޭޝަން ކޮމިޓީގެ މުއްދަތުގެ ގޮތުގައި އެ ފެޑެރޭޝަނުން ދީފައި ވަނީ އެއް އަހަރު ދުވަހެވެ. ކޮމިޓީގެ ދައުރު ހަމަވާނީ އަންނަ އަހަރުގެ ޖުލައި 31 ގެ ނިޔަލަށެވެ. ފީފާ އިން ބުނީ އެ ކޮމިޓީއާ ހަވާލުވާ ޒިންމާތައް ނިމޭހާ އަވަހަކަށް ކޮމިޓީގެ ދައުރު ހަމަވާނެ ކަމަށެވެ.

"ނޯމަލައިޒޭޝަން ކޮމިޓީއަކާ ހިންގުން ހަވާލުކުރަން ނިންމާ ގޮތަކަށް ކޮމިޓީއެއް އެކުލަވައެއް ނުލާނެ. އެންމެ ފުރަތަމަ މަރުހަލާގެ ނިންމުން ފީފާ އިން އެ ނިންމީ. ދެން އޮންނާނީ އެ ބޭފުޅުންގެ އިވެލްއޭޝަނަށް ފަހު އެ ކޮމިޓީ އެކުލަވާލުން،" އޭނާ ވިދާޅުވި އެވެ.

ނޮމަލައިޒޭޝަން ކޮމިޓީ އެކުލަވާލާނީ ފީފާ އިންނެވެ. ކޮމިޓީ އެކުލަވާލުމަށްޓަކައި ރާއްޖޭގެ ފުޓްބޯޅައިގައި އެކި މަރުހަލާތަކުގައި މަސައްކަތްކޮށްފައިވާ ބައެއް ބޭފުޅުންގެ ސީވީ ފީފާ އިން ހޯދާފައިވާ ކަަމަށް އެނގިފައިވެ އެވެ.

ފީފާއިން ވަނީ ރާއްޖޭގެ އިތުރުން ޓިއުނީޝިއާގެ މައި ފުޓްބޯޅަ އިދާރާގެ ހިންގުންވެސް ނޮމަލައިޒޭޝަން ކޮމިޓީއަކާ ހަވާލުކުރުމަށް މިއަދު ނިންމާފަ އެވެ.