ތައިލެންޑް-މޯލްޑިވްސް ބިޒްނަސް މެޗިން ފޯރަމް އާދީއްތަ ދުވަހު ބާއްވަނީ

އަހުމަދު ނިހާން

16 އޯގަސްޓް 2024 - 13:54

0 comments

"ތައިލެންޑް-މޯލްޑިވްސް ބިޒްނަސް މެޗިން ފޯރަމް" އަންނަ އާދީއްތަ ދުވަހު ބާއްވަން ނިންމައިފި އެވެ.

މިއީ ތައިލެންޑްގެ ޑިޕާޓްމަންޓް އޮފް އިންޓަނޭޝަނަލް ޓްރޭޑް ޕްރޮމޯޝަން ޑީއައިޓީޕީ) އާއި ތައި ޓްރޭޑް ސެންޓާ ގުޅިގެން ބާއްވާ ފޯރަމެކެވެ،

ހެނދުނު 10:00 އިން ފެށިގެން ހަވީރު 04:00 ޖަހަން ދެން ކުރިއަށް ގެންދާ އެ ފޯރަމްގައި ރަޖިސްޓްރީވުމުގެ ފުރުސަތު މުޅިން ހިލޭ އޮތީ ހުޅުވާލައިފަ އެވެ.

"މި ފޯރަމުން ތައިލެންޑުން ކާބޯތަކެތި، ފެޝަން އަދި ކޮސްމެޓިކްސް ބޭރުކުރާ ތައި އެކްސްޕޯޓަރުންނާއި ރާއްޖޭގައި ވިޔަފާރިކުރާ ފަރާތްތަކާ ގުޅުވާލަދެވޭނެ. އެއާއެކު ތައި އެކްސްޕޯޓަރުންނަށް ރާއްޖެއަށް އެކި ސާމާނު އެތެރެކުރަން ފަސޭހަވެގެންދާނެ،" ފޯރަމް އިންތިޒާމު ކުރާ ފަރާތުން ބުންޏެވެ.

މިދިޔަ އަހަރު ވެސް މި ފޯރަމް ބޭއްވި އެވެ.