ވޭމަންޑޫގައި ފުލުހުން މީހަކަށް އަނިޔާކުރި ކަމަށް ބުނާ މައްސަލަ ބަލަނީ

ހުސެން ނައީމް

18 އޯގަސްޓް 2024 - 00:35

0 comments

ތ. ވޭމަންޑޫގައި ފުލުހުންގެ ބަޔަކު މީހަކަށް އަނިޔާކުރި ކަމަށް ބުނާ މައްސަލައެއް ތަހުގީގު ކުރަން ފަށައިފި އެވެ.

ވޭމަންޑޫގައި ތިބޭ ފުލުހުން މީހަކަށް އަނިޔާކޮށްފައިވާ ކަމަށް ބުނެ އެ ރަށު ޕޮލިސް ސްޓޭޝަން ކައިރިއަށް އެއްވެ ޒުވާނުންގެ ބަޔަކު މިރޭ ވަނީ އިހުތިޖާޖު ކޮށްފަ އެވެ. އެ މީހުން ބުނާ ގޮތުން އަމުރަށް ނުކިޔަމަންތެރިވި ކަމަށް ބުނެ ފުލުހުން ވަނީ މީހަކަށް ވަރަށް ބޮޑަށް އަނިޔާ ކޮށްފަ އެވެ.

އެ އިހުތިޖާޖުގެ ވީޑިއޯ - މަންޒަރުތައް ބަޔަކު ލައިވް ވެސް ކުރި އެވެ.

އެ ވީޑިއޯއާ ގުޅޭ ގޮތުން ސުވާލު ކުރުމުން ފުލުހުން މިރޭ ބުނީ ފުލުހުން މީހަކަށް އަނިޔާކުރި ކަމަށް ބުނެ ސޯޝަލް މީޑިއާގައި ދައުރުވަމުންދާ ވީޑިއޯއާ ގުޅިގެން ފުލުހުން ބަލަން ޖެހޭ ކަންކަން ބަލަމުންދާ ކަމަށެވެ.